JUECES 21:4 - Dios Rimashca Shimicunami

⁴ Cayandij tutamanta tucuicuna utca jatarishpa, shuj altarta shayachishpami, Diosman cushpa tucui rupachircacuna, paihuan alli cangapajpish curcacunami.

JUECES 21:4 Iomraidhean Croise

2 SAMUEL 24:18

Chai punllallatajmi Gad runa Davidpajman shamushpaca: –Jebuseo Arauna runapaj parba c'uchuman huichiyashpa chaipi Mandaj Diospaj shuj altarta rurai– nirca.

2 SAMUEL 24:25

Chaipimi Davidca Mandaj Diospaj shuj altarta rurashpa, Diosman cushpa tucui rupachinatapish, Mandaj Dioshuan alli cangapaj cuna cashcatapish cushpa rupachirca. Chaimi Mandaj Diosca, cai pachamanta mañashcata uyashpa, israelcunata llaquichicun llaquitaca chaillapi parachirca.

1 REYES 8:64

Chai punllallatajmi jatun mandajca Mandaj Diospaj huasi ñaupajpi caj patiotapish Diospajlla cachun nirca. Chai patiopimi Mandaj Diosman cushpa tucui rupachinatapish, chaquishca granocunatapish, Dioshuan alli cangapaj cushca huiratapish paiman cushpa rupachirca. Mandaj Diospaj huasi ñaupajpi caj bronce altarca uchilla cashcamanta Diosman cushpa tucui rupachinapajpish, chaquishca granocunata cungapajpish, Dioshuan alli cangapaj cushca huirata rupachingapajpish mana pajtajpimi chaipi rupachirca.

OSEAS 5:15

“Paicuna juchallishcata, ñucaca juchallishcanimari nishpa ñucata mashcangacamami ñucaca ñuca causacunman tigrasha. ¡Paicuna llaquihuan cashpami, ñucataca mashcangacuna!” nircami.

DEUTERONOMIO 12:5

Mandaj Dios cancunapaj Taita Diosmi cancunapaj aillupurapi maipi cashpapish, paipaj shutita churanataca agllashpa chaipi causanga. Maipimi pai agllan chaimanmi paita adoranapajca rina canguichij.

Hebreos 13:10

Ñucanchijca shuj altartami charinchij. Chai altarmantaca Diospaj carpa huasillapitaj servijcunaca mana micui tucuncunachu.

JUECES 20:26

Chaimi tucui israelcunapish, tucui soldadocunapish, Taita Diospaj huasiman huichiyarcacuna. Mandaj Diospaj ñaupajpi tiyarishpami chai punllaca tutayangacama mana micushpa huacarcacuna. Mandaj Diosman cuna cashcatapish cushpami tucui rupachishpa curcacuna. Taita Dioshuan alli cangapajpish curcacunami.

JUECES 21:3

“Israelcunapaj Mandaj Dios, ¿ima nishpataj Israelpica cashna tucunyari? Israelpica shuj aillu illajllamari tucunchij” nircacuna.

JUECES 6:24

Chaipica Gedeonca, Mandaj Diospaj shuj altarta shayachishpami: “Mandaj Diosca sumaj causaita cujmi” nishcata shutichirca. Abiezeritacuna causacun Ofra pueblopi shayachishca altarca cunancamami shayacunraj.

JUECES 6:26

Chashna rurashpaca, cai rumi urcu jahuapi maipi alli canapi canta Mandaj Diospaj shuj altarta shayachi. Chaipica cati torota cushpa tucui rupachi. Chaitaca Asera shuti huarmi diosman rijchajta rurashca diosta ñutushca yantahuan rupachi– nircami.

1 SAMUEL 7:17

Chaimantaca Ramá pueblopi caj paipaj huasimanmi tigrajlla carca. Paica chaipimi israelcunapurapi ima allichinatapish allichij carca. Chaipica Mandaj Diospaj shuj altartapishmi rurarca.