JUECES 21:3 - Dios Rimashca Shimicunami

³ “Israelcunapaj Mandaj Dios, ¿ima nishpataj Israelpica cashna tucunyari? Israelpica shuj aillu illajllamari tucunchij” nircacuna.

JUECES 21:3 Iomraidhean Croise

SALMOS 74:1

Taita Dioslla, ¿imamantataj ñucanchijtaca huiñaipaj yanganchinguiyari? ¿Imamantataj quiquinpaj q'uihua pambacunapi purij ovejacunahuanca nina sindirij shina p'iñaringuiyari?

SALMOS 80:12

¿Ima nishpataj uva chagra muyundij pircataca t'uninguiyari? Ñanta pasajcunamari uvacunataca pallashpa apacuncuna.

PROVERBIOS 19:3

Quiquinllataj ch'ahuanyashca cashcamanta pandarishpaca, Mandaj Diostami juchachincuna.

ISAÍAS 63:17

Mandaj Dioslla, ¿ima nishpataj quiquinpaj ñanmanta anchurichun saquircanguiyari? ¿Imamantataj canta ama cazuchun ñucanchij shunguta sinchiyachircanguiyari? Ñucanchijca cambajta rurajcunamari canchij. Can cushca allpacunapi causaj aillucunamari canchij. Ñucanchijta llaquishpa ña alli tucupayari.

JEREMÍAS 12:1

Mandaj Dioslla, canca ñuca imata nijpipish cashcata cutichinguillami. Shina cajpipish caitamari cantaca tapusha nipani: ¿Imamantataj canta mana cazujcuna cashpapish, alli causanllacunari? Canmanta anchurijcunapish sumajta causanllacunamari.

DEUTERONOMIO 29:24

Shujtaj llajtacunapish: “¿Mandaj Diosca ima nishpashi chai llajtataca chashna rurarca? Mandaj Dios chai llajtahuan nina sindirij shina yallitaj p'iñarishcaca ¿imatashi nisha nin?” nishpami tapungacuna.

JUECES 21:2

Chai q'uipaca tucuicuna Diospaj huasiman rishpami, Taita Diospaj ñaupajpi tutayangacama chaipi carcacuna. Chaipi caparishpa achcata huacashpaca:

JUECES 21:4

Cayandij tutamanta tucuicuna utca jatarishpa, shuj altarta shayachishpami, Diosman cushpa tucui rupachircacuna, paihuan alli cangapajpish curcacunami.