JUECES 21:13 - Dios Rimashca Shimicunami

¹³ Chai q'uipami, tucui israelcunaca Rimón peñapi tiyacuj Benjaminpaj aillumanca ña mana macanacushunchu shamuichijlla nishpa shuj huillanata cacharca.

JUECES 21:13 Iomraidhean Croise

ISAÍAS 57:19

Paicunapaj shimipica: Carupi causajcunapajpish, c'uchullapi causajcunapajpish sumaj causai, sumaj causai tiyachun nishpa cantana yuyaitami paicunamanca cusha. Paicunataca ñucami alliyachisha” ninmi Mandaj Diosca.

Lucas 10:5

Maijan huasiman yaicushpaca: “Cai huasipica, sumaj causai tiyashca cachun” ninguichijraj.

Efesios 2:17

Pai shamushpami cancuna Diosmanta carupi cajcunaman, c'uchullapi cajcunamanpish, sumaj causaipaj alli huillaita huillarca.

DEUTERONOMIO 20:10

Macanacungapaj shuj puebloman ña c'uchuyacushpaca, chai pueblopi causajcunataca ama macanacushunchij ninguichijraj.

JOSUÉ 15:32

Lebaot, Silhim, Aín, Rimón shuti pueblocunatami japircacuna. Tucui chai ishqui chunga iscun pueblocunataca, muyundij llajtacunandijmi japircacuna.

JUECES 20:45

Puchushcacunaca Rimón peñapi miticungapajmi shitashca pambata tigrashpa callparcacuna. Israelcuna ñancunapi cati japijpica, 5.000 runacunami paicunapaj maquipi urmashpa huañurcacuna. Israelcunaca Gidom pueblocama catishpami 2.000 runacunahuanpish huañuchircacuna.

JUECES 20:47

Benjaminpaj aillu runacunaca, 600 runacunallami shitashca pambaman callpashpa, Rimón peñapi miticushpa mana huañurcacuna. Paicunaca chai Rimón peñapimi chuscu quillata causarcacuna.

JUECES 21:12

Chashna nijpi rishpaca, chai Jabes-galaad pueblopi causajcunapuramantaca c'arita manaraj rijsij, 400 solteracunatami tandachircacuna. Paicunataca Canaanpi caj Silo pueblo carpa huasicunamanmi pushamurcacuna.

JUECES 21:14

Benjaminpaj aillu, caishuj israelcunapajman tigramujpica, Jabes-galaad pueblopi mana huañuchishpa pushamushca huarmicunatami paicunapaj huarmicuna cachun curca. Ashtahuanpish huarmicunaca mana tucuicunapaj tiyarcachu.