JUECES 20:6 - Dios Rimashca Shimicunami

⁶ Chaita japishpami mirga mirgata p'itishpaca israelcuna causan tucui llajtacunaman cacharcani. Chashna huañuchishpa Israelpi yallitaj millaita rurashcamantami chashna cacharcani.

JUECES 20:6 Iomraidhean Croise

GÉNESIS 34:7

Jacobpaj churicunaca michinamanta tigramushpami, paicunapaj pani ima tucushcata yachaj chayarcacuna. Paicunapaj yaya Jacobpaj ushushihuan Siquem moso dormishpaca, manapish rurana cashcata rurashpa israelcunata jatun pingaipi churashcamantami achcata llaquirishpa yallitaj p'iñarircacuna.

LEVÍTICO 18:24

Cai shina manapish ruranacunata rurashpaca ama mapayanguichijchu. Cancunapaj ñaupajmanta ñuca anchuchishpa shitana llajtacunaca tucui cai manapish ruranacunata rurashpa mapayajpimi,

LEVÍTICO 18:30

Cancunaca ñuca mandashcacunata huaquichinguichij. Cancuna manaraj chai llajtaman rijpi, chai llajtapi causajcuna paicunapaj millanana ruranacunata ruraj cashcataca amataj ruranguichijchu. Chai rurashcacunahuan ama mapayangapajmi mana rurana canguichij. Ñucami Mandaj Dios cancunapaj Dios cani” nircami.

JOSUÉ 7:15

Chaicunapurapi chingachinapaj tucushca runa japi tucujpica, paipaj huasi ucupuracunandij, tucui imallata charishcacunandij rupachishpa tucuita chingachinguichij. Mandaj Dioshuan ari ninacushcata p'aquishpa, israelcunata jatunta pingachishcamantaca chashnami rurana canguichij– nircami.

JUECES 19:22

Paicuna cushicushpa tiyacujpimi, chai pueblopi causaj millai tauca runacuna shamushpa chai yuyaj runapaj huasi muyundijta shayarircacuna. Chaipica pungupi huajtashpami, huasiyuj yuyaj runataca: –Cambaj huasiman yaicuj runata llujshichi ñucanchij paihuan siriringapaj– nijpimi,

JUECES 19:23

chai huasiyuj runa llujshishpaca: –Ñuca huauquicuna chai shina millaitaca amataj rurachunmi rogani. Paica ñuca huasipi pozacujllamari, chai shina millaitaca amataj ruraichijchu.

JUECES 19:29

Huasiman ña chayashpaca shuj cuchillota japishpami, chai huarmitaca, tullu mucucunapi p'itishpa chunga ishqui mirgata rurashpaca, tucui chunga ishqui aillucunapajman cacharca.

JUECES 20:10

Tucui Israel aillucunamantaca micunata apamugrichun 100 runacunamantaca 10 runacunata, 1.000mantaca 100 runacunata, 10.000mantaca, 1.000 runacunata cachashunchij. Caishujcunaca Gabaapi causaj Benjamín aillu paicuna ima shina yallitaj millaita rurashca shinallataj llaquichinaman richun. Paicunaca ñucanchij israelpurapica yallitaj millaitami rurashca– nircacunami.