JUECES 20:2 - Dios Rimashca Shimicunami

² Tucui israelcunata pushajcunapish, tucui Israel aillucunapishmi chaipica tandanacurcacuna. Chai tandanacuipica tucui Dios agllashcacunami chaipi carcacuna. Chaquillahuan purij 400.000 soldadocunapishmi tandanacurcacuna.

JUECES 20:2 Iomraidhean Croise

2 SAMUEL 14:13

Shina nijpi chai huarmica: –¿Ima nishpataj Diospaj agllashcacunata llaquichingapaj chashna yuyarircangui? Jatun mandaj chashna chai shimicunata rimashpaca, pai juchachishca canapajllatajmari chashna rimarin. Llajtamanta llujshichishpa cachashcata llajtaman tigrachun mana saquishpami chashna ruran.

2 SAMUEL 24:9

Joabca tucui Israel llajtapi causajcunata quillcashpa yupashcatami jatun mandajman curca. Israelcunaca 800.000 runacunami carca. Paicunaca tucuicunami espadahuan macanacunalla c'ari c'aricuna carca. Judá aillupish, 500.000 runacunami carca.

2 REYES 3:26

Moab llajtata jatun mandajca, israelcuna paipaj soldadocunata mishajta ricushpami, espadahuan macanacuj paipaj 700 soldadocunata pushashpa, Edomta jatun mandajhuan macanacungapaj huichiyasha yuyashpapish mana huichiyai tucurca.

JOSUÉ 22:12

Israelcunaca chaita uyashpami, paicunahuan macanacunaman ringapaj Silo pueblopi tandanacurcacuna.

JUECES 20:15

Benjaminpaj aillupaj macanacuj runacunaca 26.000 soldadocunami carca. Gabaa pueblopi causaj 700 alli macanacunata yachaj runacunata mana yupashcami chaica carca.

JUECES 20:17

Israelcunaca Benjamín ailluta mana yupashcami, 400.000 soldadocuna espadacunahuan carca. Tucui chaicunaca macanacunata alli yachaj runacunami carca.

JUECES 20:3

Benjaminpaj ailluca israelcuna Mizpa pueblopi tandanacunaman huichiyashcataca ñami yacharcacuna. Israelcunaca levita runataca: –¿Ima shinataj cai shina millaitaca rurarcacunari?– nishpa tapujpimi,

JUECES 8:10

Zeba, Zalmuna jatun mandajcunaca, Carcor pambapimi inti llujshin llajtamanta caj 15.000 soldadocunahuan tiyacurcacuna. Paicunapuramanta 120.000 soldadocunata israelcuna huañuchijpimi chaicunalla saquirircacuna.

1 SAMUEL 11:8

Bezec puebloman shamushcacunata yupajpica 300.000 runacunami carca. Judá aillumantaca, 30.000 runacunami carca.