JUECES 20:16 - Dios Rimashca Shimicunami

¹⁶ Benjaminpaj aillu tucui chai runacunapica, lluqui maquillahuan imatapish ruraj, 700 runacunami agllashcacuna tiyarca. Tucui chai runacunaca huaracahuan shuj ajchapi rumita shitashpapish, manataj panda shitajcunami carca.

JUECES 20:16 Iomraidhean Croise

1 CRÓNICAS 12:2

Chai soldadocunaca arcocunata apashcacunami carca. Puntajlla caspita shitanatapish, rumita huaracahuan shitanatapish alli maquihuanpish, lluqui maquihuanpish shitanata alli yachajcunami carca. Benjaminpaj aillupi Saulpaj huasi ucupuracunaca caicunami:

2 CRÓNICAS 26:14

Uziasca, chai tucui soldadocunapajmi escudocunatapish lanzacunatapish umapi churarina fierro cascocunatapish, cuerpopi churarina fierro churanacunatapish, arcocunatapish, rumicunata shitangapaj huaracacunatapish rurachirca.

JUECES 20:17

Israelcunaca Benjamín ailluta mana yupashcami, 400.000 soldadocuna espadacunahuan carca. Tucui chaicunaca macanacunata alli yachaj runacunami carca.

JUECES 3:15

Chaipi llaquita apacushpami, israelcunaca Mandaj Diosta caparishpa mañarcacuna. Mandaj Diosca paicunata llujshichichunca Benjamín aillumanta Gerapaj churi Aodtami agllarca. Aodca lluquimi carca. Israelcunaca Moab llajtata jatun mandaj Eglonman convidanata cugrichunmi Aodta cacharcacuna.

1 SAMUEL 17:40

Chai q'uipaca paipaj bastonta maquihuan japishpa rishpaca yacu ricunpi pichca llambujlla rumita agllashpa japishpami, michinaman cucayashpa apana muchilapi churashpa, paipaj huaracata apashpa filisteopajman rirca.

1 SAMUEL 25:29

Maijan canta catirashpa llaquichingapaj jatarishpa huañuchinata yuyacujpipish, ñuca amo cantaca Mandaj Diospaj ñaupajpi causajcunahuan tandachishpami tucui cambaj causaipi cuidanga. Canta p'iñajcunapaj causaitaca rumita huaracapi churashpa shitaj shinami Mandaj Diosca chingachinga.