JUECES 20:1 - Dios Rimashca Shimicunami

¹ Ña alli yuyarinacushpaca tucui israelcunami, Mandaj Diospaj ñaupajpi tandanacurcacuna. Tucuicuna shuj yuyaillami Mizpapi tandanacurcacuna. Danpi causajcunamanta callarishpaca, Beersebapi causajcunacama Galaad llajtapi causajcunandijmi tandanacurcacuna.

JUECES 20:1 Iomraidhean Croise

2 SAMUEL 19:14

Chaita huillajpimi Judá llajtapi causajcunaca tucuicuna shuj shinalla shungu tucushpa, jatun mandajpajmanca: “Canpish, cambajta rurajcunapish tigramuichijlla” nishpa huillachun huillajcunata cacharca.

2 SAMUEL 2:9

Galaad, Gesuri, Jezreel, Efraín, Benjamín llajtacunapi causaj tucui israelcunata jatun mandaj cachun churarca.

2 SAMUEL 24:2

Jatun mandajca paihuan caj soldadocunata mandaj Joabtaca: –Tucui israelcuna mashna cashcata ñuca yachangapaj, Dan pueblomanta callarishpa, Beersebacama rishpa tucui Israel aillucunata yupamugri– nircami.

2 SAMUEL 3:10

Saulpaj huasi familiata mandanataca David tucui israelcunata tucui Judá llajtata Dan pueblomanta, Beerseba pueblocama David mandachun ñuca mana pasachijpica, Taita Dios ñucata jatunta llaquichichun– nircami.

1 REYES 5:5

Chaimi ñucaca, Mandaj Dios ñuca yaya Davidman nishca shinallataj ñucata Mandaj Taita Diospaj huasita shayachina tucurcani. Mandaj Diosca ñuca yayamanca: Cambaj mandanapica ñucami cambaj randi mandachun cambaj churita churasha. Paimi ñuca huasitaca shayachinga nishcami carca.

2 REYES 25:23

Babilonia llajtata jatun mandajca, Judá pueblota mandaj cachunca Gedaliastami churashca nijta uyashpami, Judá llajta soldadocunata mandajcunapish tucui gentecunapish Mizpa puebloman Gedaliaspajman shamurcacuna. Paicunahuanca Netaniaspaj churi Ismael, Carea runapaj churi Johanan, Netofa pueblopi causaj Tanhumet runapaj churi Seraías, Maacamanta caj shuj runapaj churi Jaazaniaspishmi rircacuna.

1 CRÓNICAS 21:2

Chaimi Davidca Joabtapish, israelcunata mandajcunatapish: –Tucui israelcuna mashna cashcata ñuca yachangapaj, Beersebamanta callarishpa, Dan pueblocama rishpa tucui israelcunata yupamugri– nirca.

2 CRÓNICAS 30:5

Chaimantami israelcunata Mandaj Diosta jatunyachingapaj Jerusalenpi Pascua fiestata yuyaringapaj shamuchun, tucui israelcunata cayaj cachanata yuyarircacuna. Beersebamantaca, Dancamami huillachun cacharcacuna. Ña uni huatacunatami Pascua jatun punllataca, mandashcapi nicushca shinatajca mana yuyarircacuna.

ESDRAS 3:1

Israelcuna tigrashpaca paicunapaj pueblocunallapitaj ña causacushpami huatapaj canchis quilla chayajpica, tucuicuna shuj shinalla Jerusalenpi tandanacurcacuna.

NEHEMÍAS 11:27

Hazar-sualpi, Beersebapi chai muyundij llajtacunapipish,

NEHEMÍAS 8:1

Chai punllami yacuhuan yaicuna pungu ñaupaj plazapi tucui israelcuna shuj shinalla tandanacushpaca, Moisesman Mandaj Dios israelcunaman cuchishca librota apamuchun quillcaj Esdrataca mañarcacuna.

JEREMÍAS 40:6

Jeremiasca, Ahicampaj churi Gedaliaspajmanmi, Mizpa puebloman tigrarca. Chaipimi paipaj huasipi causarca. Chashnami Judapi saquirishcacunapurallapitaj causarca.

NÚMEROS 32:1

Rubenpaj, Gadpaj aillucunaca yallitaj achca animalcunatami charirca. Paicunaca Jazer, Galaad shuti llajtacunapica animalcunata charinapaj alli cashcatami ricurca.

NÚMEROS 32:40

Manasespaj churi Maquirpaj huahua huahuacunallamantaj Galaad llajtata Moisés cujpimi, paicunaca chai llajtapi causarcacuna.

JOSUÉ 15:38

Dileán, Mizpa, Jocteel,

JOSUÉ 17:1

Manasespaj aillumanca Josepaj punta churi cashcamantami, cashna sorteashpa curca. Manasespaj punta churi Maquirpaj huahua huahuacunamanca Galaad, Basán llajtacunatami curca. Maquirca Galaadpi causajcunapaj punta yaya, macanacunatapish alli yachajmi carca.

JOSUÉ 18:26

Mizpa, Cafira, Mozah,

JOSUÉ 22:12

Israelcunaca chaita uyashpami, paicunahuan macanacunaman ringapaj Silo pueblopi tandanacurcacuna.

JOSUÉ 22:9

Shina nijpica Rubenpaj, Gadpaj aillucunapish, Manasespaj chaupi aillupish, Mandaj Dios mandashca shinallataj allpacunata Moisés cushca paicuna japishca llajta Galaadman tigrangapajmi, Canaanpi caj Silo pueblopi caishuj israelcunahuanca chaupirinacurcacuna.

JOSUÉ 4:13

Macanacunahuan caj runacunaca, 40.000 shina runacunami paicunapaj macanacunacunandij, Jericó pueblo pambamanca, Mandaj Diospaj ñaupajta ch'imbarcacuna.

JUECES 10:17

Amonitacunaca tucuicuna tandanacushpami, Galaadpi carpa huasicunata shayachishpa tiyarircacuna. Israelcunapish tandanacushpami, Mizpa pueblopi carpa huasicunata shayachishpa tiyarircacuna.

JUECES 11:11

Jefteca Galaad llajtata cunaj yuyajcunahuanmi rirca. Galaadpi causajcunaca paicunata pushaj, mandaj cachunmi agllarcacuna. Mizpa pueblopimi, Jefteca ñaupaman imalla nishcacunataca Mandaj Diospaj ñaupajpi cutin chashnallataj nirca.

JUECES 11:34

Macanacuita mishashpa, Mizpa pueblopi caj paipaj huasiman Jefté tigramujpica, paipaj ushushimi panderocunapi tocaihuan tushushpa tupanaman llujshirca. Jefteca shuj ushushillatami charirca. Churitapish ushushitapish shujtajtaca mana charircachu.

JUECES 18:29

Chai pueblotaca ñaupaman Lais shuti cashca cajpipish, paicunaca Dan shutitami shutichircacuna. Paicunapaj ñaupa yayaca Israelpaj churi Dan shutimi carca. Chai pueblotaca chai shutitami shutichircacuna.

JUECES 20:11

Chaipica tucui israelcuna shuj shinalla tucushpami, Gabaapi causajcunahuan macanacugrina tucurcacuna.

JUECES 20:18

Chai q'uipami israelcunaca tucuicuna jatarishpa Diospaj huasiman huichiyashpa: “¿Benjaminpaj ailluhuanca, maijan aillutaj punta macanacugrina canchij?” nishpa Taita Diosta tapujpi paica: “Judapaj ailluraj macanacugrichun” nirca.

JUECES 20:2

Tucui israelcunata pushajcunapish, tucui Israel aillucunapishmi chaipica tandanacurcacuna. Chai tandanacuipica tucui Dios agllashcacunami chaipi carcacuna. Chaquillahuan purij 400.000 soldadocunapishmi tandanacurcacuna.

JUECES 20:26

Chaimi tucui israelcunapish, tucui soldadocunapish, Taita Diospaj huasiman huichiyarcacuna. Mandaj Diospaj ñaupajpi tiyarishpami chai punllaca tutayangacama mana micushpa huacarcacuna. Mandaj Diosman cuna cashcatapish cushpami tucui rupachishpa curcacuna. Taita Dioshuan alli cangapajpish curcacunami.

JUECES 20:8

Shina nijpica, tucuicuna shuj yuyailla jatarishpami: –Caipi caj tucui ñucanchijpuracunaca carpa huasimanpish mana rinachu, ñucanchij huasimanpish mana tigranachu canchij.

JUECES 21:5

Chaipimi israelcunaca: “Tucui Israel aillucunapuramantaca ¿maijan aillutaj Mandaj Diospaj ñaupajpi tandanacunamanca mana huichiyamurca? nishpa tapunacurcacuna. Paicunaca Mizpa pueblopi Mandaj Diospajman maijanpish mana huichiyamujca huañuchishcami canga” nishpami Diospaj shutipi ninacushca carca.

1 SAMUEL 10:17

Chai q'uipami Samuelca, Mizpa pueblopi israelcunata Mandaj Diospaj ñaupajpi tandachishpa,

1 SAMUEL 3:20

Chaimi tucui israelcuna, Dan pueblomanta callarishpaca, Beerseba pueblocama Samuelca imatapish pajtachij, Mandaj Diospaj profeta cashcata yacharcacuna.