JUECES 2:2 - Dios Rimashca Shimicunami

² Ashtahuanca cancunaca cai llajtapi causajcunahuan, imata mana ari ninacushpa, paicunapaj altarcunatapish tucui urmachinallami canguichij nircani. Ashtahuanpish cancunaca ñuca mandashcataca manamari uyashcanguichijchu. Riqui manamari chashna rurashcanguichijchu.

JUECES 2:2 Iomraidhean Croise

GÉNESIS 12:18

Chaimi faraonca Abramta cayachishpaca: “Canca ñucahuanca ¿imatataj rurashcanguichu imamí? ¿Ima nishpataj cambaj huarmi cashcataca mana huillarcangui?

GÉNESIS 4:10

Mandaj Diosca, Caintaca: –¿Imatataj rurarcanguiyari? Cambaj huauquipaj yahuarmi ñucataca allpamanta caparicun.

ÉXODO 32:21

Chaipimi Moisesca Aarontaca: –Cai gentecunapajman cai jatun juchata apamuchunca paicunaca cantaca ¿imatataj rurarcari?– nirca.

JEREMÍAS 2:18

Riquichij, ¿cancunaca Egiptopica imata charishpataj chai ñanta rishpa, Nilo jatun yacuta ubyanguichigari? ¿Asiria llajtapipish imata charishpataj cancunaca chai llajta ñanta rishpa, Éufrates jatun yacuta ubyanguichigari?

JEREMÍAS 2:36

Canta ayudachun pita mashcashpa, ama caiman chaiman callpaichu. Cantaca Asiria llajtata jatun mandaj umashpa pingachishca shinallatajmi, Egiptota jatun mandajpish pingachinga.

JEREMÍAS 2:5

Mandaj Diosca cashnami nin: “¿Cancunapaj yayacunaca ñuca ima mana allita rurajta ricushpataj ñucamanta anchurishpa, imatapish mana rurai tucuj, yanga dioscunata catishpa, yangacuna tucurcari?

DEUTERONOMIO 7:16

Mandaj Dios cancunapaj Taita Dios cancunapaj maquipi churashca pueblocunataca tucuitami chingachina canguichij. Paicunataca ama llaquinguichijchu, paicunapaj dioscunapajtapish ama ruranguichijchu. Mana chashna rurajpica chaicunaca cancunapaj ñitcanami canga.

2 Tesalonicenses 1:8

Paica lunyacuj ninapi shamushpami, Taita Diosta mana rijsijcunata, ñucanchijta Mandaj Jesucristomanta alli huillaita mana cazujcunatapish llaquichinga.

JOSUÉ 9:7

Chaimi israelcunaca heveocunataca: –Ñucanchij c'uchullapi causajcunallataj canguichijllatajmari. ¿Maitataj cancunahuanca imata ari ninacushunri?– nircacuna.

1 Pedro 4:17

Llaquichina punllaca, Diospaj familiapimari ña callarishca. Ñucanchijtaraj chashna llaquichi callarijpica, Diospaj alli huillaita mana chasquijcunacarin ¿imachari tucunga?

JUECES 2:20

Chaimantami Mandaj Diosca tucui israelcunahuanca nina sindirij shina yallitaj p'iñarishpa cashna nirca: “Cai gentecunaca ñucahuan, paicunapaj yayacunahuan ari ninacushpa pajtachichuntaj nishcatami mana cazuncuna. Ñuca rimashcacunatami mana uyancuna.

JUECES 6:10

Amorreocunapaj llajtapi cancuna causacushpaca, paicunapaj dioscunataca ama manchanguichijchu. Ñucami cancunata Mandaj Dios cani nircanimi. Ashtahuanpish cancunaca ñuca rimashcataca manamari uyashcanguichijchu” ninmi nircami.

JUECES 6:8

Mandaj Diosca shuj profetata cachajpi paica cashna nirca: “Israelcunata Mandaj Diosca cashnami nin: Egiptocunapajta huatashca shina paicunapajta rurashpa causacujpi chai llajtamantaca ñucami llujshichimurcani.

JUECES 8:27

Gedeonca chai curihuanca shuj efodta rurashpami, pai causacun Ofra pueblollapitaj huaquichichirca. Israelcunaca chaihuan huainayashpami, Mandaj Diosmanta anchurircacuna. Chashnami chai efodca Gedeonpajpish, paipaj huasi ucupuracunapajpish ñitcana tucurca.