JUECES 2:19 - Dios Rimashca Shimicunami

¹⁹ Mandaj Dios churashca juez huañujpica, millaita ruranaman tigrarcallacunami. Manapish dios cajcunata catishpa, chaicunapajta rurashpa paicunapaj ñaupajpi cungurishpami, paicunapaj yayacunatapish yalli millaita rurarcacuna. Chai dioscunapajta ruranamanta, chai mana alli ñanmantaca manataj anchusha nircacunachu.

JUECES 2:19 Iomraidhean Croise

GÉNESIS 6:11

Taita Diospaj ñaupajpica cai pachaca yallitaj llaqui, millanana ruraicunahuan jundami carca.

NEHEMÍAS 9:28

Ashtahuanpish sumaj causaipi cashpaca, cutinllataj millaita ruranaman tigrashpami Diospaj ñaupajpi millai tucucurcallacuna. Paicunataca paicunata p'iñajcuna llaquichichun paicunapaj maquipimi saquijlla carcangui. Cutinllataj quiquinpajman tigrarishpa quiquinta caparijpica, quiquinca jahua pachamantami uyarcangui. Quiquinca ima shina c'uyaj cashca shinallatajmi cutin cutin p'iñajcunapaj maquimanta cacharichicurcanguilla.

SALMOS 78:8

Cancunaca cancunapaj ñaupa yayacuna shina Diosta c'ariyaj, rumi shungucunaca ama canguichijchu. Paicuna shina shungutapish, yuyaitapish Diosmanta anchuchijcunaca ama canguichijchu.

ÉXODO 32:7

Mandaj Diosca Moisestaca: –Egiptomanta can llujshichimushca gentecunaca millaitami ruracuncuna. Paicunapajman uriyashpa rilla.

JEREMÍAS 16:12

Cancunacarin cancunapaj ñaupa yayacunatapish yalli millaicunamari tucunguichij. Ñucata manataj uyashpamari, tucuicuna cancunapaj millai shungupi imata munashcata rurashpa causanguichij.

JEREMÍAS 23:17

Ñucata p'iñachijcunatapish, paicunapaj shungu yuyashcata rurashpa causaj ch'ahuan runacunatapish, quiquin yuyaillamantamari paicunaca: Cancunapajca sumaj causaica mana tucuringachu, ima llaquipish mana shamungachu ninmi Mandaj Diosca nincuna” ninmi.

JEREMÍAS 3:17

Ashtahuanpish chai punllacunapica Jerusalentamari: Mandaj Dios mandashpa causana pueblo ningacuna. Tucui llajtacunamanta Jerusalenman shamushpamari, Mandaj Dios ñucataca alabangacuna. Ña mana paicunapaj millai sinchi shungucuna yuyachishcata rurangacunachu.

EZEQUIEL 20:30

Chashna cashcamantaca israelcunamanca cashna ningui: Mandaj Jatun Diosca cashnami nin: Cancunapish, cancunapaj yayacuna shinallatajmi millaita rurashpa mapayarcanguichij. Rurashcalla millanana dioscunahuanca huainayarcanguichijmari.

Mateo 23:32

¡Cancunapaj yayacuna callarichishcataca tucuringacama rurashpa catichijlla!

DEUTERONOMIO 31:29

Ñuca huañushca q'uipaca Diospajca ismucuj shina tucushpa, ñuca mandashca ñancunamanta anchurina cashcataca yachanimi. Cancunapaj maquihuan rurashcacunahuan Mandaj Diosta yallitaj p'iñachishcamantaca, q'uipa punllacunataca jatun llaquicunami cancunapaj jahuaman shamunga” nircami

JOSUÉ 24:31

Josué causacui punllacunapica, israelcunaca Mandaj Diospajllata rurashpami causarcacuna. Josué huañushca q'uipaca Mandaj Dios israelcunapaj imallata rurashcata ricuj Josuehuan huiñaillataj caj caishuj yuyajcuna causai punllacunacamallami Mandaj Diospajta rurashpa causarcacuna.

JUECES 10:13

Chai jahuamari ñucamanta caruyashpa shujtajcunapaj dioscunapajta rurashcanguichij. Ñucapish cancunataca ña mana ashtahuan quishpichishachu.

JUECES 2:18

Mandaj Diosca juezcunata churashpaca maijan jueztami pai churan chaihuanmi carca. Chaimantami chai juez pushacui punllacunapica, israelcunata p'iñajcunapaj maquimantaca quishpichij carca. Paicunata llaquichijcuna llaquichicujpi llaquihuan cashpa aij nishcacunata uyashpami, paicunata llaquina yuyai tucushpa juezta churashpa Mandaj Diosca quishpichirca.

JUECES 2:20

Chaimantami Mandaj Diosca tucui israelcunahuanca nina sindirij shina yallitaj p'iñarishpa cashna nirca: “Cai gentecunaca ñucahuan, paicunapaj yayacunahuan ari ninacushpa pajtachichuntaj nishcatami mana cazuncuna. Ñuca rimashcacunatami mana uyancuna.

JUECES 2:7

Josué causacui punllacunapica, israelcunaca Mandaj Diospajllatami rurashpa causarcacuna. Josué huañushca q'uipaca Mandaj Dios israelcunapaj imallata rurashcata ricuj Josuehuan huiñaillataj caj caishuj yuyajcuna causai punllacunacamallami Mandaj Diospajta rurashpa causarcacuna.

JUECES 4:1

Aod huañushca q'uipaca israelcunaca, cutinllatajmi Mandaj Diospaj ñaupajpi millaita rurai callarircacuna.

JUECES 8:33

Gedeón huañushca q'uipaca, israelcunaca cutinllatajmi Baal nishca dioscunahuan huainayarcacuna. Paicunapaj dios cachunca, Baal-berit diostami agllarcacuna.

1 SAMUEL 15:23

Paita c'ariyanaca adivinocunata tapushpa juchallishca shinallatajmi. Paita mana cazunaca rurashcalla dioscunata adorashpa millaita rurashca shinallatajmi. Canpish Mandaj Diospaj shimita yanganchishcamantaca, paipish cantaca yanganchishpami, jatun mandaj canamanta anchuchirca– nircami.