JUECES 2:15 - Dios Rimashca Shimicunami

¹⁵ Maipi macanacungapaj llujshishpapish Mandaj Dios paicunata nishca shinallataj paipaj maqui paicunata llaquichicujpimi, paicunata p'iñajcunataca manataj mishai tucurcacuna. Mandaj Diosca pai nishca shinallataj manataj mishachijpimi, israelcunaca jatun llaquita apacurcalla.

JUECES 2:15 Iomraidhean Croise

2 CRÓNICAS 12:1

Roboamca, ñami tucuita alli mandacurca. Chashna pi mana imata nipaj shina cajpimi, Roboamca Mandaj Dios cushca mandashcataca mana ashtahuan pajtachishpa catirca. Chaita ricushpaca, tucui israelcunapishmi chashnallataj rurarcacuna.

JEREMÍAS 18:8

Shina cashpapish, ñuca tucuchisha nicushca llajta runacuna millaita ruranata saquishpa cutirijpica, mana llaquichinichu. Paicunapaj cachasha nicushca llaquitaca, jarcarishpa mana cachanichu.

JEREMÍAS 21:10

Ñucaca llaquichingapajmi tigrashpa ricurcani, mana ima allita cungapaj ricucunichu. Babilonia llajtata jatun mandajpaj maquipimi churani. Paimi ninata japichishpa tucuchinga ninmi Mandaj Diosca ningui.

JEREMÍAS 44:11

Tucuita Mandaj, israelcunapaj Diosca cashnapishmi nin: Chaimantami ñucaca can Judá runacunataca, tucuicunata tucuchingapaj chaparacuni. Cancunataca jatuntami llaquichigrini.

JEREMÍAS 44:27

Ñuca paicunapaj ima allita ruranapaj randica, jatun llaquita rurangapajmi paicunataca chaparacuni. Cai Egipto llajtapi caj Judá runacunaca tucuicunami espadahuanpish, yaricaihuanpish chingachishca cangacuna.

MIQUEAS 2:3

Chashna llaquichijcunataca, Mandaj Diosca cashnami nin: “Ñucapish cancuna millaita rurashcamantaca llaquichishami. Cancunaca chai llaquicunamantaca, shujllapish manataj quishpiringuichijchu. Ña mana ashtahuan jatun tucushpa puringuichijchu. Chai punllaca jatun llaquimi canga” ninmi.

2 Corintios 4:8

Tucuipi llaquichishcacunami canchij, shina cashpapish mana yallitaj llaquirinchijchu. Musparishca shina cashpapish, mana llaquirishcalla canchijchu.

DEUTERONOMIO 18:20

Maijanpish manapish ñuca huillachijpi Mandaj Diosmi huillachin nishpa huillajca huañuchishcami canga. Shinallataj shujtaj dioscunapaj shutipi huillajpish huañuchishcami canga nircami.

JUECES 10:9

Amonitacunaca Judá ailluhuan, Benjamín ailluhuan, Efraín ailluhuan macanacungapajpishmi Jordán yacuta ch'imbarcacuna. Israelcunaca yallitaj llaquitami apacurcacuna.

RUT 1:13

¿paicuna huiñangacama shuyai tucunguichijmanchu? Paicunata c'uyashcamanta paicunahuan cazarasha nicushpalla mana cazarashpa shuyanaca ñucapajpish cancunapajpish mana allichu huahuacuna. Mandaj Dios llaquichishcamanta ñucaca cancunata yallimi llaquita apacuni– nirca.

1 SAMUEL 12:15

Mandaj Dios rimashcata mana uyashpa, paipaj shimita p'iñashpa c'ariyajpica, Mandaj Diospaj maquica cancunapaj ñaupa yayacunata ima shina llaquichishca shinallatajmi llaquichinga.

1 SAMUEL 13:6

Israelcunaca mana mishaipaj cashcata yuyashpami, tucuicuna ña llaqui tucugrinchijmi nishpaca jutcucunapi, sanja huashacunapi, jatun rumi chaupicunapi, peñacunapi, yacu tandarichun rurashca jutcucunapipish miticurcacuna.

1 SAMUEL 14:24

Chai punllaca israelcunaca yallitaj shaicushcami carca. Saulca israelcunataca: “Manaraj tutayajpi, ñucata p'iñajcunata manaraj tigra llaquichishpaca, mana micunachu canchij nishpami ari nichirca. Maijanpish micujca jatun llaqui tucushcatajmi canga” nishcamantami israelcunaca imallatapish pi mana micurcacuna.

1 SAMUEL 30:6

Davidhuan cajcunaca paicunapaj churicunamanta, ushushicunamantaca almacama yallitaj llaquirishca cashpami, Davidtaca rumicunahuan shitashun nircacuna. Davidca yallitaj llaquilla cashpapish paita Mandaj Diospi shunguta churashpa sinchiyarca.