JUECES 2:11 - Dios Rimashca Shimicunami

¹¹ Chai q'uipaca israelcunaca Mandaj Diospaj ñaupajpica millaita rurashpami Baal dioscunapajta rurashpa causarcacuna.

JUECES 2:11 Iomraidhean Croise

GÉNESIS 13:13

Sodomapi causajcunaca mana allita rurajcuna cashcamanta yallitaj millaillata rurashpa Mandaj Diosta p'iñachijcunami carca.

GÉNESIS 38:7

Judapaj punta churi Erca Mandaj Diospaj ñaupajpi millai cajpimi, Mandaj Diosca paipaj causaita quichurca.

1 REYES 11:5

Chaimi Salomonca, Sidón llajtapi causajcunapaj Astoret dios nishca huarmi diosta, amonitacunapaj Milcom shuti millanana manapish diosta catirca.

1 REYES 18:18

Shina nijpi Eliasca: –Mana ñucachu israelcunataca muspachircani. Ashtahuanpish canhuan, cambaj yayapaj huasi familiahuanmi Mandaj Dios mandashcacunata saquishpa, Baalcunata catishpa israelcunataca muspachircanguichij.

1 REYES 22:53

Paica paipaj yaya shinallataj Baalpajta rurashpa chaita adorashpami israelcunapaj Mandaj Diostaca yallitaj p'iñachirca.

2 CRÓNICAS 28:2

Ashtahuanpish Israel llajtata jatun mandajcuna millaita rurashcallatatajmi rurarca. Shinallataj fierrota yacuyachishpami, Baal dioscunaman rijchajcunata rurachirca.

2 CRÓNICAS 28:3

Chai rurashcalla dioscunaman cushpami, Hinompaj churicunapaj pambapi inciensota rupachij carca. Israelcunata cai llajtapi churangapaj Mandaj Dios cai llajtamanta anchuchishca gentecuna millanana ruranacunata ruraj cashca shina rurashpami paicunapaj churita rurashcalla diosman cushpa rupachircacuna.

2 CRÓNICAS 33:6

Manasesca, rurashcalla dioscunaman paipaj churicunata cushpami, Hinompaj churipaj pugru pambapi rupachirca. Imalla punllacunapi imalla tucunata yachajpish, adivinajpish, adivinocunata tapujcunapish, muspachij yumbucunata tapujpishmi carca. Mandaj Diospaj ñaupajpi chashna jatun millaita rurashpami, Diostaca yallitaj p'iñachirca.

ESDRAS 8:12

Azgadpaj huahua huahuapuramantaca, Hacatanpaj churi Johananmi, 110 paicunapurata pushashca shamurca.

NEHEMÍAS 9:26

Ashtahuanpish paicunaca Diosta mana cazushpami colerachircacuna. Diostaca c'ariyarcacunami. Dios mandashcacunata saquishpami huashata ricuchircacuna. Diospajman cutirichij nishpa huillaj profetacunatapish huañuchircacunami. Chashnami yallitaj millananacunata rurarcacuna.

SALMOS 78:56

Ashtahuanpish israelcunaca jahua pacha Taita Diostaca caita chaita rurai nishpami yallitaj p'iñachircacuna. Ima shina causachun pai yachachishcatapish mana huaquichircacunachu.

JEREMÍAS 11:10

Tucuicunamari ñuca rimashcata mana cazushun nishpa, shujtaj dioscunata mashcashpa chaicunata cungurij paicunapaj ñaupa yayacuna rurashca juchallatataj rurancuna. Chashna rurashpamari israelcunapish, Judá runacunapish paicunapaj ñaupa yayacunahuan ñuca ari ninacushcata p'aquishcacuna” ninmi.

JEREMÍAS 16:11

Chashna nijpica cashna ningui: Mandaj Diosca cashnami nin: Cancunapaj yayacunamari ñucata shitashpa, shujtajcunapaj dioscunapajman rishpa chaicunata cungurircacuna. Chaicunatami servircacuna. Chashna ñucata saquishpami, ñuca mandashcatapish mana pajtachircacuna.

JEREMÍAS 2:20

Cancunaca ñaupamantapachami ñuca churashca yugotaca p'aquircanguichij, cinta angucunatapish p'itircanguichij. Chashna rurashpami: Cantaca ña manataj servishachu nircanguichij. Chashna rurashca jahuapish tucui maipi tiyaj lomacunapi, tucui p'angasapa yura ucucunapimi huainayaj huarmi shina siririshpa huainayarcanguichij.

JEREMÍAS 2:23

Pambacunapi cancuna imalla millaita rurashcata ricuichigari. Ima juchahuan mana mapayashcanchijchu, chai Baal dioscunapajmanca manataj rishcanchijchu nishpaca, maitataj ni tucunguichigari. Cancunaca ñanmanta llujshishcahuan maitapish callpaj huarmi dromedaria shinamari canguichij.

JEREMÍAS 32:23

Cai llajtata japishpaca, caipi p'ucushcata micushpa cushicurcacunami. Shina cashpapish can rimashcataca mana uyarcacunachu, can mandashcatapish imata mana pajtachishpa causancunachu. Imallata rurachun can mandashcataca, imata mana rurarcacunachu. Chaimantamari cai tucui llaquicunata paicunapaj jahuapi cacharishcangui.

JEREMÍAS 9:14

Ashtahuanpish paicunapaj shungu yuyashcatami rurarcacuna. Paicunapaj yayacuna yachachishca shinallataj, Baalcunatamari catircacuna” ninmi.

NÚMEROS 25:3

Chashnami israelcunaca, Baal-peor nishca diosta catircacuna. Chaimi Mandaj Diosca israelcunahuanca nina sindirij shina yallitaj p'iñarirca.

DEUTERONOMIO 31:16

Chaipimi Mandaj Diosca Moisestaca: “Riqui, canca ñami cambaj yayacunahuan samarigringui. Cai israelcunaca paicuna causagricun llajtaman rishpa chai llajtapi tiyaj shujtaj dioscunata catishpami chai dioscunahuan huainayangacuna. Chaipica ñucata mana valichishpami ñucamanta anchurishpa, ñuca paicunahuan ari ninacushcatapish p'aquingacuna.

DEUTERONOMIO 4:25

Cancuna ña chai llajtapi cashpaca huahuacunayuj, nietocunayuj, yuyajcuna tucushpaca ñataj maquihuan rurashca dios nishcacunata, imamanpish rijchajcunata rurashpa millaita ruranguichijman. Millaita rurashpaca Mandaj Dios cancunapaj Taita Diospaj ñahuipica paita p'iñachishpa millaita rurashcami canga.

JUECES 10:10

Chaimi israelcunaca Mandaj Diostaca: “Ñucanchijmi, can ñucanchij Diosta saquishpa, baal dioscunapajllata rurashpa can Diosta p'iñachishpa juchallishcanchij” nishpami caparishpa mañarcacuna.

JUECES 10:6

Israelcunaca baal shuti, Astarot shuti dioscunata, Siria llajtapaj dioscunata, Sidón llajtapaj dioscunata, Moab llajtapaj dioscunata, amonitacunapaj dioscunata, filisteocunapaj dioscunata adorashpami, Mandaj Diospaj ñaupajpica cutinllataj millaita rurarcacuna. Mandaj Diosmanta anchurishpami, Mandaj Diospajtaca ña mana ashtahuan rurarcacuna.

JUECES 13:1

Israelcunaca Mandaj Diospaj ñaupajpica cuntinllatajmi millaita rurarcacuna. Paicunataca Mandaj Diosca chuscu chunga huatacama llaquichichunmi filisteocunapaj maquipi churarca.

JUECES 3:12

Israelcunaca cutinllatajmi Mandaj Diospaj ñaupajpi millaita rurarcacuna. Paicuna Mandaj Diospaj ñaupajpi millaita rurashcamantaca, Moab llajtata jatun mandaj Eglontami israelcunata llaquichichun paicunata yalli c'ari c'arita Mandaj Diosca rurarca.

JUECES 3:7

Israelcunaca Mandaj Diospaj ñaupajpica millaita rurashpami, paicunata Mandaj Diostaca cungarircacuna. Baal dioscunatapish, Asera huarmi diosman rijchajta rurashca dioscunapajtapish rurashpami causarcacuna.

JUECES 4:1

Aod huañushca q'uipaca israelcunaca, cutinllatajmi Mandaj Diospaj ñaupajpi millaita rurai callarircacuna.

JUECES 6:1

Israelcunaca cutinllatajmi Mandaj Diospaj ñaupajpica millaita rurarcacuna. Chaimi Mandaj Diosca, madianitacuna canchis huatacunata llaquichichun paicunapaj maquipi churarca.

JUECES 6:25

Chai tutallatajmi, Mandaj Diosca Gedeontaca: –Cambaj yayapaj huagracunamanta shuj torota japi. Cati torotaca canchis huatayuj torota japi. Baal diospaj cambaj yaya rurashca altarta urmachi. Chai altar c'uchupi shayacuj Asera shuti huarmi diosman rijchajta rurashcalla diostapish p'itishpa shitai.

JUECES 8:33

Gedeón huañushca q'uipaca, israelcunaca cutinllatajmi Baal nishca dioscunahuan huainayarcacuna. Paicunapaj dios cachunca, Baal-berit diostami agllarcacuna.

1 SAMUEL 12:10

Chaimi paicunaca Mandaj Diostaca: “Baal dioscunapajta, Astarot dioscunapajta rurashpamari Mandaj Diosta saquishpa juchallishcanchij. Mandaj Dioslla cunanca ñucanchijta p'iñajcunapaj maquimanta quishpichihuai. Quiquinpajtami rurashun ninchij” nishpa caparishpa mañarcacuna.

1 SAMUEL 7:3

Chaimi Samuelca tucui israelcunataca: “Cancuna tucui shunguhuan Mandaj Diospajmantaj tigrarishpaca, shujtajcunapaj dioscunata, Astarot huarmi diosta cancunapuramanta anchuchishpa tucui shunguhuan Mandaj Diospajlla tucushpa paipajta ruraichij. Chaimi filisteocunapaj maquimantaca quishpichinga” nirca.

1 SAMUEL 7:4

Israelcunaca Baal dioscunata, Astarot dioscunata paicunapaj chaupimanta anchuchishpami, Mandaj Diospajllata rurarcacuna.