JUECES 2:1 - Dios Rimashca Shimicunami

¹ Mandaj Diospaj angelca, Gilgal pueblomanta Boquim puebloman huichi rishpami israelcunataca: “Ñucami cancunataca Egiptomanta llujshichishpa, cancunapaj ñaupa yayacunaman ñuca cushami nishca llajtaman pushamurcani. Chai punllallatajmi paicunamanca: Ñuca cancunahuan ari ninacushcataca, manataj p'aquishachu.

JUECES 2:1 Iomraidhean Croise

GÉNESIS 12:7

Chaipimi Mandaj Diosca, Abramman ricurishpaca: “Cambaj huahua huahuacunamanca cai llajtatami cusha” nirca. Chaipimi Abramca, paiman ricurij Mandaj Diospaj shuj altarta rurarca.

GÉNESIS 16:13

Chaimi Agarca paihuan rimaj Mandaj Diostaca: “Ñucata ricuj Taita Diosmi” nishpa shutichirca. Paica: “Taita Diosta ricushpapish mana huañushpa causacunirajmi” nircami.

GÉNESIS 48:16

tucui llaquicunamanta ñucata llujshichij Ángel, cai huahuacunataca alli cashca cachun nichun. Ñuca shutitaca paicunapi huiñaita rijsichun. Ñuca ñaupa yaya Abrahampaj, Isaacpaj shuticunatapish paicunapi huiñaipaj rijsichun. Cai pachapica achcacuna tucushpa yallitaj mirarishca cachun” nircami.

SALMOS 89:3

Ñuca agllashcahuanmi ari ninacurcani. Ñucapajta ruraj Davidmanmi caita rurashatajmi nishpa cashna nircani:

SALMOS 89:34

Paipaj rurashatajmi nishcataca manataj saquishachu. Ñuca shimihuan rurashatajmi nishcataca manataj shujtajyachishachu.

ÉXODO 14:14

Mandaj Diosmi cancunamantaca macanacunga. Cancunaca imata mana ruranachu canguichij– nirca.

ÉXODO 14:19

Israelcunata ñaupashpa ricuj Taita Diospaj angelca paicunapaj huasha ladoman tucushpami huashata catirca. Paicunata ñaupashpa ricuj suni p'uyupish paicunapaj huasha ladoman tucushpa huashata catishpami,

ÉXODO 20:2

“Ñucaca cancuna Egiptopi huatashca shina llaquinayajta causacujpi llujshichimuj Mandaj Dios cancunapaj Diosmi cani.

ÉXODO 23:20

Ñuca cancunapaj allichishca llajtaman ñanpi cuidashpa cancunata chai llajtaman ñaupashpa yaicuchichunca ñuca angeltami cachani.

ÉXODO 33:14

Chaimi Mandaj Diosca: –Ñucatajmi canhuanca risha. Ñucami samachisha– nirca.

ISAÍAS 63:9

Paicunapaj tucui llaquicunapica, chai llaquicunataca paimi aparca. Paipaj ñaupajpi caj angelhuanmi quishpichirca. Pai c'uyashpa, pai llaquishpami quishpichirca. Ñaupa punllacunapi apamuj cashca shinallatajmi jatarichishpa paipaj rigrapi apamurca.

JEREMÍAS 14:21

Can imata ari nishcata yuyarishpa, ñucanchijtaca ama shitahuaichu. Can sumaj jatun Dios mandashpa tiyana pueblotapish ama yangata ruraichu. Cantaca jatunyachishunmari, amataj shitahuaichu.

LEVÍTICO 26:42

Chaipimi ñucaca Jacobhuan ari ninacushcata, Isaac-huan ari ninacushcata, Abrahamhuan ñuca ari ninacushcata yuyarisha. Llajtatapish yuyarishami.

LEVÍTICO 26:44

Paicunata p'iñajcunapaj llajtapi paicuna chashna llaquita apacujpica shuj cutintajca mana shitashachu. Tucui chingaringacamatajca mana millanachicushallachu. Paicunahuan ari ninacushcataca manataj yanganchishachu. Ñucaca Mandaj paicunapaj Taita Diosmi cani.

ZACARÍAS 11:10

Chashna nishca q'uipami, “Sumaj” shuti caspita japishpa p'aquircani. Tucui llajtacunapi causajcunahuan ñuca ari ninacushcata p'aquishcata ricuchingapajmi chai caspitaca p'aquircani.

MALAQUÍAS 3:1

Chaimantami Mandaj Diosca cashna nin: “Ñuca huillajtami ñaupachishpa cachasha. Paimi ñuca purina ñantaca allichinga. Cancuna mashcacushca Amoca, paipaj huasimanca ñapish yaicungallami. Cancuna shuyacushca ari ninacushcata pajtachij angelpishmi shamunga. Riquichij, ñamari shamucun” ninmi.

NÚMEROS 14:34

Canaán llajtataca, chuscu chunga punllacunatami ricushpa rijsimurcanguichij. Chai shinallatajmi chuscu chunga punllamantaca chuscu chunga huatata llaquita apanguichij. Cada punllamanta shuj huatatami llaquita apanguichij. Chaipimi ñucata c'ariyajpica, ima shina llaquichij cashcata yachanguichij.

DEUTERONOMIO 1:8

Riquichij, chai llajtataca ñucaca ñami cancunaman cuni. Chaitaca cancunapaj ñaupa yaya Abraham, Isaac, Jacobman paicunapaj q'uipa huahua huahuacunamanmi ñuca shimihuantaj cushatajmi nircani. Cancunaca chai llajtaman yaicushpa cancunapajtaj cachun japigrichijlla ninmi” nircami.

DEUTERONOMIO 4:34

Maijan diostaj shuj llajtapaj chaupimanta shuj llajtata paipajlla cachun llaquicunahuan, ricuchinacunahuan, milagrocunahuan, jatun macanacuicunahuan paipaj tucuita rurai tucuj maquihuan, paipaj rigra chutashcahuan mancharinacunata rurashcahuan llujshichinata yuyarishcari. Mandaj Dios cancunapaj Taita Diosmi Egiptomantaca cancunapaj ñaupajpi tucui chaicunata rurashpa cancunataca llujshichimurca.

DEUTERONOMIO 7:9

Mandaj Diosca Diostaj cashcata, imatapish pajtachij Dios cashcata, pai ari nishcatapish pajtachij cashcata, pai mandashcacunata c'uyashpa chaitataj pajtachijcunataca huaranga huaranga huahua huahuacunacama c'uyaj cashcatami paitaca yachana canguichij.

JOSUÉ 3:10

Josueca cashnapish nircami: “Cancunaca caita ricushpami causaj Dios cancunahuan cashpa, chai Canaán llajtapi causacuj heteocunata, heveocunata, ferezeocunata, gergeseocunata, amorreocunata, jebuseocunata cancunapaj ñaupajmanta llujshichishpa cachanataj cashcata yachanguichij.

JUECES 11:24

Cambaj Quemos dios canman imata cushcaca ¿manachu ña cambaj? Chashnallataj Mandaj Dios ñucanchij ñaupajpi quichushpa ñucanchijman cushcaca ña ñucanchijpajmi.

JUECES 13:2

Dan aillupuramanta caj Manoa runami Zora pueblopi, causarca. Paipaj huarmica mana huachaj cashcamantami, shuj huahuallatapish mana charirca.

JUECES 13:3

Mandaj Diospaj ángel chai huarmiman ricurishpami: “Canca mana huachajmi cangui. Chaimantami shuj huahuallatapish mana charingui. Cunanca chichushpa shuj c'ari huahuatami huachangui.

JUECES 2:5

Chaimantami chai pambataca, Boquim shutita shutichircacuna. Chaillapitajmi Mandaj Diosmanpish sacrificiota curcacuna.

JUECES 6:8

Mandaj Diosca shuj profetata cachajpi paica cashna nirca: “Israelcunata Mandaj Diosca cashnami nin: Egiptocunapajta huatashca shina paicunapajta rurashpa causacujpi chai llajtamantaca ñucami llujshichimurcani.