JUECES 19:1 - Dios Rimashca Shimicunami

¹ Chai punllacunallatajmi israelcuna jatun mandajta manaraj charijpi shuj levita runaca shujtaj llajtamanta shamushca shinalla Efraín urcumanta carupi causarca. Chai runami, Judá llajtapi caj Belenmanta shujtaj huarmihuanpish cazararca.

JUECES 19:1 Iomraidhean Croise

GÉNESIS 22:24

Nacorca Reúma shuti paipaj caishuj huarmipipish Teba, Gaham, Tahas, Maaca shuti churicunatapishmi charirca.

GÉNESIS 25:6

Paipaj caishuj huarmicunapaj huahuacunamanpish tucuicunamanmi asha ashata convidarca. Abrahamca pai causacushparajmi paipaj caishuj churicunataca paipaj churi Isaacmanta ch'icanyachishpa inti llujshin ladoman caj llajtacunapi causachun cacharca.

GÉNESIS 35:19

Chashnami Raquelca huañurca. Paitaca Efrataman rina ñanpimi pambarcacuna. Chaillatajmi cunanca Belén.

2 SAMUEL 16:22

Chaimi mandashpa tiyana huasi jahuata pambajllata rurashcapi Absalonpaj shuj carpa huasita shayachirca. Chaipimi Absalonca, paipaj yayapaj caishuj huarmicunahuanca tucui israelcuna ricucujpi chayarinacurca.

2 SAMUEL 19:5

Joabca jatun mandaj maipi tiyacun huasiman yaicushpaca: –Cunanca canca cambaj causaitapish, cambaj churicunapaj causaitapish, cambaj ushushicunapaj causaitapish, cambaj huarmicunapaj causaitapish, cambaj caishuj huarmicunapaj causaitapish quishpichij cambajta rurajcunatamari jatunta pingaichingui.

2 SAMUEL 20:3

Davidca Jerusalenman paipaj huasiman chayashpaca, paipaj huasita cuidachun saquishca chunga paipaj caishuj huarmicunataca huarmicunalla causanapi churashpami, tucui imalla minishtirishcacunata cushpa causarca. Davidca chai huarmicunapica ña mana chayarircachu. Paicunaca viudacuna shinami huañungacama huarmicuna causanapi causarcacuna.

2 SAMUEL 3:7

Saulca, Rizpa shuti caishuj huarmitami charirca. Paica Aja runapaj ushushimi carca. Is-bosetca Abnertaca: –¿Ima nishpataj ñuca yayapaj caishuj huarmipi chayarircangui?– nishpami rimarca.

2 SAMUEL 5:13

Davidca Hebronmanta Jerusalenman rishpaca paipaj quiquin huarmi cachun, paipaj caishuj huarmicuna cachunpish ashtahuan japircarajmi. Chai huarmicunaca c'ari huahuacunatapish, huarmi huahuacunatapishmi Davidpajta huacharca.

1 REYES 11:3

Salomonpaj quiquin huarmicunaca 700mi carca. Caishuj huarmicunaca, 300mi carca. Chai huarmicunami Salomonpaj shungutaca, Diosmanta caruyachircacuna.

1 REYES 4:8

Chaicunapaj shuticunaca caicunami: Hurpaj churitaca Efraín urcupi caj llajtata mandachunmi churarca.

2 CRÓNICAS 11:21

Roboamca quiquin huarmicunataca, chunga pusaj huarmicunatami charirca. Caishuj huarmicunataca, sujta chunga huarmicunatami charirca. Quiquin huarmicunapuramantapish, caishuj huarmicunapuramantapish yallica, Absalonpaj ushushi Maacatami yallitaj c'uyarca. Huahuacunataca tucuimantaca ishqui chunga pusaj churicunata, sujta chunga ushushicunatami charirca.

ESTER 2:14

Jatun mandajpaj huasiman rij huarmica, chishiman yaicushpaca, cayandij tutamantatami jatun mandajpaj caishuj huarmicuna tiyacun huasiman tigraj carca. Chaipi caj huarmicunataca, jatun mandajpajta ruraj Saasgaz shuti eunuco runami cuidaj carca. Chai huarmicunaca jatun mandajpajmanca, ña mana ashtahuan tigrajcunachu carca. Ashtahuanpish jatun mandajllataj maijanta munashpa cayajllapimi, rij carca.

DANIEL 5:3

Jerusalenpi cashca Diospaj huasimanta apamushca curi vasocunata ña apamujpica, jatun mandajpish, pai churashca mandajcunapish, paipaj huarmicunapish, paipaj caishuj huarmicunapishmi chai vasocunapi ubyarcacuna.

MALAQUÍAS 2:15

¿Manachu cancuna chairaj cashpa cazarashca huarmihuanca, pai Diosllataj shujlla aichata, shujlla yuyaita rurarca? ¿Imapajshi chashna rurashca canga yuyanguichijchari? Cancunapaj huahua huahuacunapish, paipajlla cachunmari chashna rurarca. Chashna cashcamantaca ama cancunapaj yuyaita mapayachichijchu, ama cancunapaj quiquin huarmita shitaichijchu.

Mateo 2:6

“Judapi caj Belenlla, canca jatun nishcami cangui. Judapi mandajcunapurapica, manataj uchillaca canguichu. Canmantami shuj pushaj llujshinga. Ñucapaj caj israelcunataca, paimi michinga” ninmi– nircacunami.

JOSUÉ 24:30

Josuetaca, Efrainpaj urcupi caj Timnat-sera shuti pai japishca allpallapitajmi pambarcacuna. Chai allpaca, Gaas urcumantaca janaj ladomanmi carca.

JOSUÉ 24:33

Aaronpaj churi Eleazarpish huañurcami. Paitaca paipaj churi Fineespaj allpapi caj urcupimi pambarcacuna. Chai allpaca, Efraín aillupaj urcupimi carca.

JUECES 12:8

Jeftepaj q'uipaca israelcunataca Belenmanta caj Ibzán runami mandarca.

JUECES 17:1

Efraín urcupimi, Micaía runaca causarca.

JUECES 17:6

Chai punllacunapica, israelpica jatun mandajca manaraj tiyarcachu. Chaimantami tucuicuna paicunapi ima shina alli cashca shina rurashpa causarcacuna.

JUECES 17:7

Judá llajtapi caj Belenpica, shuj mosomi tiyarca. Paica levitapurami carca. Shujtaj llajtamanta shinallami causarca.

JUECES 17:8

Chai runaca Judá llajtapi caj Belenmanta llujshishpami, maipi causanata japishapishchari nishpa rishpaca, Efraín urcuman chayashpa Micaiapaj huasiman chayarca.

JUECES 18:1

Chai punllacunapica Israelpica, jatun mandajca mana tiyarcachu. Chai punllacunallatajmi Danpaj ailluca paicuna causanapaj allpata mashcacurcacuna. Paicunaca chai punllacama Israel aillupurapica paicuna quiquinpajtatajca allpataca manaraj charircacunachu.

JUECES 18:13

Chaimantaca Efraín urcuman rishpami, Micaía runapaj huasiman chayarcacuna.

JUECES 19:16

Ña tucui tutayacujtami, shuj yuyaj runaca chagrapi trabajashpa tigracurca. Paica Efraín urcumanta shamushpami, Gabaa pueblopica shujtaj llajtamanta shinalla causarca. Chai llajtapi causajcunaca, Benjaminpaj aillumi carca.

JUECES 19:2

Levitapaj caishuj huarmica mana alli huarmi tucushpami paita shitashpa rirca. Chaimantaca Judá llajtapi caj Belenpi causacuj paipaj yayapaj huasiman tigrashpami chaipi chuscu quillata carca.

JUECES 21:25

Chai punllacunaca Israelpica jatun mandajca manaraj tiyarcachu. Chaimantami paicunapaj ima shina alli cashca shina rurashpa causarcacuna.

JUECES 3:27

Israel llajtaman chayashpaca, Aodca tucuicunata tandachingapajmi Efraín urcupi gachupi tocarca. Tucuicuna tandanacushpami chai urcumanta paihuan uriyamurca. Aodca paicunata ñaupashcami uriyamurca.