JUECES 18:8 - Dios Rimashca Shimicunami

⁸ Chai pichca runacuna Zora, Estaol shuti pueblocunapi causacuj paicunapaj huauquicunapajman tigrajpica paicunaca: –¿Ima alli yacharinchu?– nishpa tapujpimi tigramujcunaca:

JUECES 18:8 Iomraidhean Croise

JOSUÉ 15:33

Pambajlla llajtacunapica, cai pueblocunatapishmi japircacuna: Estaol, Zora, Asena,

JUECES 13:2

Dan aillupuramanta caj Manoa runami Zora pueblopi, causarca. Paipaj huarmica mana huachaj cashcamantami, shuj huahuallatapish mana charirca.

JUECES 16:31

Paipaj huauquicuna, paipaj yayapaj huasi familiapish uriyashpami Sansonpaj cuerpotaca apashpa, paipaj yaya Manoata churashca ladollapitaj Zora, Estaol shuti pueblocuna chaupipi churarcacuna. Sansonca, ishqui chunga huatatami israelcunataca mandarca.

JUECES 18:11

Shina nijpica, Zora, Estaol shuti pueblocunapi causaj Danpaj ailluca macanacunacunata aparishcami, 600 runacuna llujshircacuna.

JUECES 18:2

Chaimi Danpaj ailluca paicunapuramanta pichca runacunata cacharca. Llajtata alli ricushpa rijsishpa tigramugrichunmi Zora, Estaol shuti pueblocunamanta c'ari c'ari runacunata cacharca. Paicunataca richij llajtata alli rijsishpa tigramugrichij nishpa cachajpimi, chai runacuna Efraín urcuman rishpa, Micaía runapaj huasiman chayashpa chai tutaca chaipi pacarircacuna.

JUECES 18:7

Pichca runacuna chaimanta llujshishpaca Lais pueblomanmi chayarcacuna. Chaipi causajcunataca, Sidonpi causajcuna shinallataj imata mana manchashpa, q'uilla causacujtami ricurcacuna. Chai Lais pueblopi causajcunaca pi mana p'iñachishca, imapish mana illaj sumajtami causacurcacuna. Sidón pueblomantapish carupimi carca. Shujtaj pueblocunapi causajcunahuanpish imata ruranapi ari ninacushcaca mana carcachu. Mandajtapish mana charircacunachu.

JUECES 18:9

–Jatarichij, paicunahuan macanacungapaj huichi rishunchij. Mana imata rurashpa ama tiyacuichijllachu. Ama q'uilla caichijchu. Chai llajtata quichushpa ñucanchijpajtaj cachun japingapaj jacuchij. Chai llajtaca sumajmari cashca.