JUECES 18:7 - Dios Rimashca Shimicunami

⁷ Pichca runacuna chaimanta llujshishpaca Lais pueblomanmi chayarcacuna. Chaipi causajcunataca, Sidonpi causajcuna shinallataj imata mana manchashpa, q'uilla causacujtami ricurcacuna. Chai Lais pueblopi causajcunaca pi mana p'iñachishca, imapish mana illaj sumajtami causacurcacuna. Sidón pueblomantapish carupimi carca. Shujtaj pueblocunapi causajcunahuanpish imata ruranapi ari ninacushcaca mana carcachu. Mandajtapish mana charircacunachu.

JUECES 18:7 Iomraidhean Croise

1 REYES 1:6

Paica Absalonpaj q'uipa huacharishca, sumaj ñahuiyujmi carca. Paipaj yaya Davidca Adoniastaca tucui paipaj causaipimi: “Ima mana allita rurajpipish mana llaquichij carca. ¿Ima nishpataj cashna rurangui, ima nishpataj chashna rurangui?” nishpallapish mana nijchu carca.

1 REYES 16:31

Acabpaj yuyaipica Nabatpaj churi Jeroboam rurashca shinallataj millaita rurashcapish ima mana cashca shinami carca. Sidón llajtata jatun mandaj Et-baalpaj ushushi Jezabeltapish paipaj huarmi cachunmi japirca. Baal nishca diosta adorashpa paipajta rurajmi tucurca.

1 CRÓNICAS 4:40

Chaipica achca allpa alli michina q'uihuacuna tiyan pi mana ima nishca sumajta causana llajtatami japircacuna. Chaipica Cam runapaj huahua huahuacunami causashcacuna carca.

JEREMÍAS 49:31

Ñuca, Mandaj Diostajmi paicunataca cashna mandarcani: Imata mana yuyashpa, ima manchai illajlla paicunalla causajcunata llaquichigrichij. Paicunaca pungucunapish, aldabacunapish illajlla pueblocunapimi causancuna.

Romanos 13:3

Mandajcunaca allita rurajta manchachingapaj mana canchu, ashtahuanpish millaita rurajta manchachingapajmi. ¿Mandaj mana manchachishca causasha ninguichu? Shinashpaca allita ruraiyari, alli nishcami cangui.

JOSUÉ 19:47

Dan aillupaj allpacunaca mana pajta cajpimi, paicunaca Lesem puebloman huichi rishpa chaipi causajcunahuan macanacushpa mishashpaca, espadacunahuan tucuita huañuchishpa, chai llajtata paicuna japishpa chaipi causarcacuna. Dan ailluca paicunapaj ñaupa yaya Dan cashcamantami, Lesem pueblotaca Dan shutita shutichircacuna.

1 Pedro 2:14

Shinallataj jatun mandaj churashca mandajcunatapish cazuichij. Paicunaca millaita rurajcunata llaquichijmi, allita rurajcunataca allimari cangui nijmi.

Apocalipsis 18:7

Pai jatun tucushpa munashcata rurashpa achcata cushicushpa causashca shinallataj jatunta llaquichichij, achcata huacachichij. Paica shungupica: Ñucaca jatun mandaj shinamari tiyacuni, ñucaca mana viudachu cani, ima llaquitapish mana charishachu” niricunmi.

JUECES 18:29

Chai pueblotaca ñaupaman Lais shuti cashca cajpipish, paicunaca Dan shutitami shutichircacuna. Paicunapaj ñaupa yayaca Israelpaj churi Dan shutimi carca. Chai pueblotaca chai shutitami shutichircacuna.

JUECES 18:6

Chaimi chai curaca: –Ama imata manchashpa richijlla. Tucui ñanpimi cancunataca Dios cuidanga– nirca.

JUECES 18:8

Chai pichca runacuna Zora, Estaol shuti pueblocunapi causacuj paicunapaj huauquicunapajman tigrajpica paicunaca: –¿Ima alli yacharinchu?– nishpa tapujpimi tigramujcunaca:

1 SAMUEL 3:13

Elica, paipaj churicuna millaillata rurashpa ñucata yallitaj p'iñachicujta yachashca jahua, mana jarcashpa saquircallami. Chaimantaca paipaj huasi ucupurataca paicuna ima shina rurashcata ricuchishpami, huiñaicama llaquichisha.