JUECES 18:4 - Dios Rimashca Shimicunami

⁴ Chaimi levitaca: Micaiahuan paihuan ima shina ari ninacushcata, Micaiapaj cura cachun churashcatapish parlarca.

JUECES 18:4 Iomraidhean Croise

PROVERBIOS 28:21

Ñahuita ricushpalla cacharinaca, mana allichu. Maijanpish chaita ricushpaca, amulli tandaraicullapish mana cazunllami.

ISAÍAS 56:11

Chai allcucunaca micunatatajca mashnata micushpapish, manataj sajsajcunami. Michijcunapish chai shinallatajmi alli cashcata mana alli cashcata agllanata mana yachancuna. Tucui paicunami paicunapaj quiquin ñanta catinllacuna. Tucuicunami paicunapaj alli canallata mashcancuna. Paicunapaj alli canapajllami imatapish rurancuna.

EZEQUIEL 13:19

Cancunaca lutsaj cebadamanta, mirga tandamantami ñuca agllashcacunapurapica, manapish huañuchina runacunataraj huañuchishpa, huañuchina runacunamanraj causaita curcanguichij. Chashnami llullashcata uyaj paicunamanca llullarcanguichij. Chashna rurashpami, ñucataca yangata rurarcanguichij.

MALAQUÍAS 1:10

Ñuca altar jahuapi imata cushpa rupachinaman ama yanga shamuchunca, cancunapuramanta maijan ¿manachu ñuca huasi punguta huichcanguichijman? Ñucaca cancunapica manataj cushicuitaca charinichu. Cancuna ñucaman imalla cuna cashcata cujpipish, manataj chasquishachu. Tucuita Mandaj Diostajmi chashna nini.

Hechos 20:33

Ñucaca cullquitapish, curitapish, churanatapish maijanpajta mana munashcanichu.

1 Timoteo 3:3

mana machaj, macanacuita mana munaj, cullquita munashcamanta ima mana allita mana ruraj, ashtahuanpish c'uyaj, mana p'iñarij, mana mitsa,

Tito 1:11

Chaicunataca upallachinatajmi. Paicunaca cullquita japingaraicullami, tucui huasi familiata manapish yachachinacunahuan muspachincuna.

2 Pedro 2:3

Chaicunaca quiquinpajlla ashtahuan charij canata munashcamantami crinalla shimicunahuan cancunata umashpa yachachishcamanta charijyanata yuyangacuna. Chashnacunataca ñaupamanta llaquichisha nishca jatun llaquica ñami quimimugrin, paicuna chingarinapish chaparacunmi.

JUECES 17:10

Chaimi Micaiaca: –Ñuca huasipi causai. Canca ñuca yayami tucungui. Curapishmi tucungui. Ñucaca huatantami chunga siclo cullquitapish, churanatapish, micunatapish cusha– nijpimi chai levita runaca, chaipi saquirirca.

JUECES 17:12

Micaiaca levita runataca, cura cachunmi churarca. Chaimi chai mosoca curapaj ruranata rurashpa Micaiapaj huasipi causarca.

JUECES 18:3

Micaiapaj huasiman c'uchuyacushpa chai levita mosopaj rimaita rijsishpami ña chaiman chayashpaca: –¿Pitaj caimanca cantaca pushamurca? ¿Imatataj caipica ruracungui? Caipica canca ¿imatataj charingui?– nircacuna.

JUECES 18:5

Shina nijpi chai runacunaca: –Ñucanchij maiman ricunmanca allichu chayashun, chaimantaca allichu tigrashun chaita yachangapaj Jatun Diosta tapui– nircacuna.