JUECES 18:2 - Dios Rimashca Shimicunami

² Chaimi Danpaj ailluca paicunapuramanta pichca runacunata cacharca. Llajtata alli ricushpa rijsishpa tigramugrichunmi Zora, Estaol shuti pueblocunamanta c'ari c'ari runacunata cacharca. Paicunataca richij llajtata alli rijsishpa tigramugrichij nishpa cachajpimi, chai runacuna Efraín urcuman rishpa, Micaía runapaj huasiman chayashpa chai tutaca chaipi pacarircacuna.

JUECES 18:2 Iomraidhean Croise

GÉNESIS 42:9

Chaimi Joseca paipaj huauquicunamanta ñaupaman pai muscushcata yuyarishpa paicunataca: –Cancunaca cai llajta mitsari tucuipajta, mana mitsari tucuipajta purij shinalla ricujcunami canguichij– nirca.

PROVERBIOS 20:18

Imata yuyarinacushcapish, cunashcahuanmi alli llujshin. Alli pushajcunahuanmi jatun macanacuitapish rurarin.

NÚMEROS 13:17

Moisesca Canaán llajtata rijsinaman cachacushpaca, cashnami nirca: –Caimanta rishpaca, Neguevman huichiyanguichij. Chai q'uipaca chaipi caj urcuman huichiyanguichij.

Lucas 14:31

Maijan jatun mandajca, caishuj jatun mandajhuan macanacungapajca, paica chunga huaranga soldadocunallata charishpa, caishujca ishqui chunga huaranga soldadocunahuan shamucujpica, chunga huarangacunallahuanca mishai tucunichu, manachu mishai tucuni nishpa ¿manachu yuyaringapaj tiyarinmanraj?

JOSUÉ 15:33

Pambajlla llajtacunapica, cai pueblocunatapishmi japircacuna: Estaol, Zora, Asena,

JOSUÉ 19:41

Paicuna japishca llajtapi caj pueblocunaca: Zora, Estaol, Ir-semes,

JOSUÉ 2:1

Nunpaj churi Josueca, Sitim pambamantami ishqui runacunata Jericota purij shinalla ricushpa tigramuchun cachangapaj cashna nirca: “Jericó ima shinalla cashcata purij shinalla ricushpa tigramugrichij” nijpimi chai runacuna rishpa Jericoman chayashpaca, huainayashcahuan causaj Rahab shuti huarmipaj huasiman chayarcacuna. Chaipimi chai tutaca pacarircacuna.

JOSUÉ 2:2

Paicuna chai puebloman chayashcataca, maijancunami Jericota jatun mandajmanca: –Cunan tutami maijan israelcunaca, cai Jericó ima shina cajta purij shinalla ricunaman shamushcacuna– nishpami huillashca carca.

JUECES 13:2

Dan aillupuramanta caj Manoa runami Zora pueblopi, causarca. Paipaj huarmica mana huachaj cashcamantami, shuj huahuallatapish mana charirca.

JUECES 13:25

Zora, Estaol shuti pueblocuna chaupipimi, Danpaj ailluca carpa huasicunapi causarca. Chaipimi Mandaj Diospaj Espirituca Sansonpi cashca ricurirca.

JUECES 16:31

Paipaj huauquicuna, paipaj yayapaj huasi familiapish uriyashpami Sansonpaj cuerpotaca apashpa, paipaj yaya Manoata churashca ladollapitaj Zora, Estaol shuti pueblocuna chaupipi churarcacuna. Sansonca, ishqui chunga huatatami israelcunataca mandarca.

JUECES 17:1

Efraín urcupimi, Micaía runaca causarca.

JUECES 18:11

Shina nijpica, Zora, Estaol shuti pueblocunapi causaj Danpaj ailluca macanacunacunata aparishcami, 600 runacuna llujshircacuna.

JUECES 18:13

Chaimantaca Efraín urcuman rishpami, Micaía runapaj huasiman chayarcacuna.

JUECES 18:3

Micaiapaj huasiman c'uchuyacushpa chai levita mosopaj rimaita rijsishpami ña chaiman chayashpaca: –¿Pitaj caimanca cantaca pushamurca? ¿Imatataj caipica ruracungui? Caipica canca ¿imatataj charingui?– nircacuna.

JUECES 18:8

Chai pichca runacuna Zora, Estaol shuti pueblocunapi causacuj paicunapaj huauquicunapajman tigrajpica paicunaca: –¿Ima alli yacharinchu?– nishpa tapujpimi tigramujcunaca:

JUECES 19:1

Chai punllacunallatajmi israelcuna jatun mandajta manaraj charijpi shuj levita runaca shujtaj llajtamanta shamushca shinalla Efraín urcumanta carupi causarca. Chai runami, Judá llajtapi caj Belenmanta shujtaj huarmihuanpish cazararca.

JUECES 19:18

Chaimi chai runaca: –Judá llajtapi caj Belenmantami shamunchij. Ñucaca Efraín urcuta pasashpa ashtahuan caru urcumanmi ricuni, chaipimi causani. Judá llajtapi caj Belenpimi carcani. Cunanca Mandaj Diospaj huasimanmi ricuni. Cai pueblopi causajcuna pi mana cayajpimi caillapi tiyacuni.