JUECES 18:12 - Dios Rimashca Shimicunami

¹² Paicuna rishpaca Judapi caj Quiriat-jearim pueblo c'uchupimi carpa huasicunata shayachishpa tiyarircacuna. Chaimantami chai pambataca “Danpaj aillupaj carpa huasicuna shayana pamba” nincuna. Chai pambaca Quiriat-jerarimmantaca inti huashicun ladomanmi carca.

JUECES 18:12 Iomraidhean Croise

2 CRÓNICAS 1:4

Taita Diospaj arcataca Davidmi, Quiriat-jearimmanta Jerusalenman apamushca carca. Chai arcata churangapajca, Jerusalenpimi shuj carpa huasita shayachishca carca.

JOSUÉ 15:60

Rabá pueblotapish, muyundij llajtacunandijmi japircacuna. Quiriat-baal pueblotapish, muyundij llajtacunandijmi japircacuna. Chai pueblollatatajmi, Quiriat-jearim nincuna.

JOSUÉ 15:9

Chai lindeca urcu puntamantaca Netofa pugyuta muyushpami, Efrón urcu c'uchullapi caj pueblocunata pasashpa, Baala nishca Quiriat-jearimtami muyun.

JOSUÉ 9:17

Chaita yachashpa paicunata mashcanaman rishpaca, quimsa punllapimi chai runacuna causacun pueblocunaman chayarcacuna. Chai runacunaca Gabaón, Cafira, Beerot, Quiriat-jearim pueblocunamantami cashca carca.

JUECES 13:25

Zora, Estaol shuti pueblocuna chaupipimi, Danpaj ailluca carpa huasicunapi causarca. Chaipimi Mandaj Diospaj Espirituca Sansonpi cashca ricurirca.

JUECES 18:11

Shina nijpica, Zora, Estaol shuti pueblocunapi causaj Danpaj ailluca macanacunacunata aparishcami, 600 runacuna llujshircacuna.

JUECES 18:13

Chaimantaca Efraín urcuman rishpami, Micaía runapaj huasiman chayarcacuna.

1 SAMUEL 6:21

Chaimi Quiriat-jearimpi causajcunaman huillachun huillajcunata cachashpaca: “Mandaj Diospaj arcataca ñami filisteocunaca tigrachircacuna. Cunanca cancunapaj puebloman apangapaj utca uriyamuichij” nichun cacharcacuna.

1 SAMUEL 7:1

Quiriat-jearimpi causajcuna shamushpa Mandaj Diospaj arcata apashpaca Abinadabpaj huasipimi churarcacuna. Chai huasica shuj lomapimi carca. Mandaj Diospaj arcata chai huasipi cuidachunca, Abinadabpaj churi Eleazartami Diospajlla cachun ch'icanchishpa churarcacuna.