JUECES 18:10 - Dios Rimashca Shimicunami

¹⁰ Ña rishpaca ima tucunata mana yuyashpa causacujcunapajman achca allpacuna tiyan llajtamanmi chayanguichij. Tucui imapish tiyaj ima mana illaj llajtataca Diosca ñucanchij maquipimari churashca– nircacunami.

JUECES 18:10 Iomraidhean Croise

ÉXODO 3:8

Chaimi egipciocunapaj maquimanta cacharichingapaj uriyamurcani. Chai llajtamanta llujshichishpaca cananeocuna, heteocuna, amorreocuna, ferezeocuna, heveocuna, jebuseocuna causan lechepish, sacha chuspipaj mishquipish yacu llujshicuj shina tiyan shuj jatun sumaj llajtamanmi pushagrini.

EZEQUIEL 20:6

Chai punllaca ñuca maquita alzashpami, cai Egipto llajtamanta llujshichishpaca lechepish, sacha chuspi huachashca mishquipish yacu shina llujshicun llajtapimi churasha. Chai llajtaca tucui llajtacunamanta yalli sumaj llajtami nircanimi.

DEUTERONOMIO 2:29

Seir urcupi causaj Esaupaj huahua huahuacuna, Arpi causaj moabitacuna ñucahuan ima shinami rurarca chai shinallataj rurapai. Mandaj Dios, ñucanchij Taita Dios cusha nishca llajtaman Jordán yacuta ch'imbashpa chayagringapajmi chashna roganchij nichunmi cacharcani.

DEUTERONOMIO 4:1

Cunanca tucui israelcuna caita uyaichij: Chaitataj pajtachichun nishcacunata, pajtachinguitaj nishcacunataca cancuna chaitataj pajtachishpa causachunmi yachachircani. Cunanca cancunapaj ñaupa yayacunaman Mandaj Dios cushca llajtaman ña yaicushpaca chashna pajtachishpallami chaipica causanguichij.

1 Timoteo 6:17

Cai pachapi achcata charijcunataca ama jatun tucuchun, charinacunallapi ama yuyaita churachun mandangui. Chaicunaca chingarijllami. Ashtahuanpish ñucanchij cushicuchun tucui imatapish yallijta cuj causaj Taita Diospi yuyaita churachun mandangui.

JOSUÉ 2:23

Chai q'uipami chai ishqui runacunaca urcumanta uriyashpa, Jordán jatun yacuta ch'imbashpa Nunpaj churi Josuepajman shamurcacuna. Paipajman ña chayashpaca, paicuna imalla tucushcata tucuita parlashpami,

JOSUÉ 2:24

Josuemanca: “Mandaj Diosca tucui chai llajtatami ñucanchijman cushpa ñucanchij maquipi churashca. Tucui chai llajtapi causajcunami ñucanchijta manchashpa manchaihuan huañucuncuna” nircacuna.

JOSUÉ 6:16

Canchis cutin muyuipi curacuna bocinapi tocajpica, Josueca israelcunataca: “Sinchita caparichij, cai pueblotaca Mandaj Diosca ñucanchijmanmi curca.

JUECES 18:11

Shina nijpica, Zora, Estaol shuti pueblocunapi causaj Danpaj ailluca macanacunacunata aparishcami, 600 runacuna llujshircacuna.

JUECES 18:27

Danpaj ailluca Micaía runa imalla rurashcacunatapish apashca, paipaj curatapish pushashcami, Lais puebloman chayarcacuna. Chaipica ima tucunata mana yuyashpa causacujcunata japishpami espadahuan huañuchishpa pueblotapish rupachircacuna.

JUECES 18:7

Pichca runacuna chaimanta llujshishpaca Lais pueblomanmi chayarcacuna. Chaipi causajcunataca, Sidonpi causajcuna shinallataj imata mana manchashpa, q'uilla causacujtami ricurcacuna. Chai Lais pueblopi causajcunaca pi mana p'iñachishca, imapish mana illaj sumajtami causacurcacuna. Sidón pueblomantapish carupimi carca. Shujtaj pueblocunapi causajcunahuanpish imata ruranapi ari ninacushcaca mana carcachu. Mandajtapish mana charircacunachu.

JUECES 18:9

–Jatarichij, paicunahuan macanacungapaj huichi rishunchij. Mana imata rurashpa ama tiyacuichijllachu. Ama q'uilla caichijchu. Chai llajtata quichushpa ñucanchijpajtaj cachun japingapaj jacuchij. Chai llajtaca sumajmari cashca.