JUECES 17:3 - Dios Rimashca Shimicunami

³ 1.100 siclo cullquita tigrachijpimi chai mamaca: –Ñuca huahualla, cai cullquitaca cambajllataj shuj caspi diosta rurachishpa, chai cullquita yacuyachishpa chai jahuata llihuingapajmi Mandaj Diospajlla ch'icanchircani. Cunanca cai cullquitaca canllamantajmi tigrachini– nirca.

JUECES 17:3 Iomraidhean Croise

2 CRÓNICAS 33:7

Mandaj Diosca Davidmanpish paipaj churi Salomonmanpish: “Tucui israelcunapaj aillupuramanta agllashca Jerusalenpi churashca ñuca huasipimi ñuca shutitaca huiñaipaj churani nircami. Chai huasipimi Manasesca fierrota yacuyachishpa rurashcalla diosta churarca.

ÉXODO 20:23

Cancunaca ñucapaj randi adorangapaj curimanta, cullquimanta dioscunataca ama ruranguichij.

ÉXODO 20:4

Imaman rijchajcunatapish ama ruranguichijchu. Jahua pachapi cajcunaman rijchajtapish, cai pachapi cajcunaman rijchajtapish, yacu ucupi cajcunaman rijchajtapish, amataj ruranguichijchu.

ÉXODO 34:17

Imatapish yacuyachishpa dioscunata ñataj ruranguichijman.

ISAÍAS 30:22

Chashna cashpami labrashpa rurashca dioscunata cullquihuan llihuishcacunatapish, labrashpa rurashca diostajllacunata curihuan llihuishcacunatapish mapa cashcata yuyanguichij. Millanana mapa llachapata shina anchuchishpaca: “¡Caimanta llujshi!” ninguichijmi.

ISAÍAS 66:3

Huagrata huañuchishpa cujca, shuj runata huañuchishpa cuj shinami. Ovejata huañuchishpa cujca, allcuta huañuchishpa cuj shinami. Vinota ñucaman cushpa tallijca, cuchi yahuarta cushpa tallij shinami. Inciensota cushpa rupachijca, rurashcalla diosta alli nicujmi tucunga. Paicunapaj quiquin ñanta agllashcamantami chashna tucurcacuna. Paicunallataj millanana ruranacunata c'uyashcamantami chashna tucungacuna.

JEREMÍAS 10:8

Tucui paicunaca upacunami, imata mana yachajcunami. Paicunapaj yanta caspicunaca, imata mana yachachi tucunchu.

LEVÍTICO 19:4

Cancunaca rurashcalla dioscunata ñataj cutin yuyaricunguichijman. Cancunapaj dios cachun nishpapish ñataj imatapish yacuyachishpa dioscunata ruranguichijman. Ñucami Mandaj Dios cancunapaj Taita Dios cani.

Juan 16:2

Cancunataca sinagogacunaman ama cutin yaicuchun llujshichishpa cachangacunami. Cancunata maijanpish huañuchishpaca, Taita Diospajtami ruracuni nishpa yuyana punllacunapish chayamucunmi.

DEUTERONOMIO 12:3

Paicunapaj altarcunata urmachinguichij. Paicunapaj rurashcalla dioscunata p'aquinguichij. Asera diosman rijchajcunata rupachinguichij. Maquihuan rurashca paicunapaj dioscunata chingachinguichij. Chashna rurashpami chai dioscunapaj shuticunataca tucuita p'ichanguichij.

DEUTERONOMIO 27:15

Maijanpish caspita diostajllata rurajcunapish, imata yacuyachishpa diostajllata rurajcunapish, imatapish ruranata yachajcuna maquihuan rurashca Diostajllacunata pacashpa charijcunaca Mandaj Dios millananatami rurangacuna. Chaicunaca llaqui tucushca cachun nijpica tucuicuna: Chashnataj cashca cachun ninguichij.

JUECES 17:13

Micaiaca: “Levitapuramanta shuj curatamari ñucaca charini. Mandaj Diosca tucui imapipish ñucataca allimi llujshichinga” yuyacurcami.

JUECES 17:2

Paimi paipaj mamataca. –Cambaj 1.100 siclo cullquita shuhuajtaca ima llaquipish tucushca alli canman nircanimi nishpami ñucamanca huillarcangui. Chai cullquitaca ñucamari charicuni. Ñucami japircani– nijpimi paipaj mamaca: –¡Ñuca huahualla, Mandaj Dios cantaca alli nishca cachun!– nirca.

JUECES 17:4

Chashna nijpipish, paica paipaj mamallamantaj tigrachijpimi, chai cullquimanta 200 siclo cullquita japishpa paipaj mamaca cullquita yacuyachishpa imatapish rurajman curca. Paimi caspita labrashpa chai jahuataca cullquita yacuyachishcahuan llihuishpa imamanpish rijchaj diosta rurarca. Chai diostaca, paipaj churi Micaiapaj huasipimi churarca.

JUECES 18:30

Chai pueblopimi Danpaj ailluca paicunapaj dios cachunpish caspita labrashpa imamanpish rijchaj rurashcalla diosta shayachirca. Paicunapaj cura cachunpish Jonatantami churarca. Jonatanca Gersonpaj churi Moisespaj nietomi carca. Israelcunata shujtaj llajtaman prezu apai punllacamami Jonatanpaj huahua huahuacunallataj Dan aillupaj curacuna tucushpa causarcacuna.

JUECES 18:5

Shina nijpi chai runacunaca: –Ñucanchij maiman ricunmanca allichu chayashun, chaimantaca allichu tigrashun chaita yachangapaj Jatun Diosta tapui– nircacuna.