JUECES 17:2 - Dios Rimashca Shimicunami

² Paimi paipaj mamataca. –Cambaj 1.100 siclo cullquita shuhuajtaca ima llaquipish tucushca alli canman nircanimi nishpami ñucamanca huillarcangui. Chai cullquitaca ñucamari charicuni. Ñucami japircani– nijpimi paipaj mamaca: –¡Ñuca huahualla, Mandaj Dios cantaca alli nishca cachun!– nirca.

JUECES 17:2 Iomraidhean Croise

GÉNESIS 14:19

Paimi Abramtaca: “Abram, cantaca jahua pacha Taita Dios alli nishca cachun. Jahua pachatapish, cai pachatapish ruraj Taita Dios alli nishca cachun.

NEHEMÍAS 13:25

Chaimi paicunahuanca yallitaj p'iñarishpa: Mana allicunami canguichij nishpa maijan paicunataca huajtashpa ajchamanta c'utsashpa paicunataca: “Ñucanchij ushushicunataca mana israelcunapaj churicunamanca manataj cushunchu. Paicunapaj ushushicunatapish ñucanchij churicunapaj huarmi cachunca manataj japishunchu. Ñucanchijpish paicunapaj ushushicunataca ñucanchij huarmicuna cachunca manataj japishunchu” nishpami ari nichircani.

SALMOS 10:3

Millai runaca paipaj shungu munashcata rurashpami cushicun. Yallitaj charinallata munajtami alli nin, Mandaj Diostaca p'iñanmi.

ÉXODO 20:7

Mandaj cambaj Diospaj shutipica manapish rimanapica ama rimangui. Ñuca shutita manapish rimanapi rimajtaca llaquichishatajmi.

PROVERBIOS 28:24

Yaya mamapajta imatapish shuhuashca jahua, ima millaita mana ruracunichu nijca, huañuchijpurallatajmi.

JEREMÍAS 48:10

Mandaj Dios mingashcata mana cushicuihuan ruraj runaca, llaqui tucushca cachun. Paipaj espadahuan mana huañuchigrijpish, llaqui tucushca cachun.

Mateo 26:74

Chaimi Pedroca: –¡Ñuca llullajpica Dios llaquichichun. Chai runataca mana rijsinichu!– nicujpica, galloca cantarcallami.

Romanos 9:3

Aichamanta ñuca familia huauquicunata c'uyashcamantaca, ñucallataj Cristomanta anchushpa, paicunapaj randi llaquichishca caimanchari.

1 Corintios 16:22

Mandaj Jesucristota maijanpish mana c'uyajca, llaquichinapaj cachun. ¡Mandaj Jesusca shamugrinmi!

DEUTERONOMIO 27:16

Maijanpish paipaj yayata paipaj mamata yanganchishpa p'iñajcunaca llaqui tucushca cachun nijpica, tucuicuna: Chashnataj cashca cachun ninguichij.

2 Juan 1:11

Maijanpish: “¡Allimi shamushcangui!” nijca, chai mana alli yachachijpurami tucun.

JUECES 17:1

Efraín urcupimi, Micaía runaca causarca.

JUECES 17:3

1.100 siclo cullquita tigrachijpimi chai mamaca: –Ñuca huahualla, cai cullquitaca cambajllataj shuj caspi diosta rurachishpa, chai cullquita yacuyachishpa chai jahuata llihuingapajmi Mandaj Diospajlla ch'icanchircani. Cunanca cai cullquitaca canllamantajmi tigrachini– nirca.

JUECES 5:23

Mandaj Diospaj angelca: “Meroz llajtataca llaqui tucushca canman nichij. Chaipi causajcunataca jatunta llaquichishcataj cachun nichij. Paicunallatajmi Mandaj Diospaj soldadocunataca mana ayudarca. C'ari c'ari tucushcacunahuan Mandaj Diospaj soldadocuna macanacucujpi mana ayudarcachu” nircami.

RUT 3:10

Boozca chashna nijta uyashpaca: –Canca cambaj suegrahuantaj shamushpaca achca allitami rurarcangui. Cunancarin charij cachun, huajcha cachun shujtaj q'uipa huiñaicunata mana mashcashpa ñucahuantaj cazarasha nishpaca, ashtahuan allitamari rurangui. Ñuca huahualla Mandaj Dios can yuyashca shinata rurachun.

1 SAMUEL 14:24

Chai punllaca israelcunaca yallitaj shaicushcami carca. Saulca israelcunataca: “Manaraj tutayajpi, ñucata p'iñajcunata manaraj tigra llaquichishpaca, mana micunachu canchij nishpami ari nichirca. Maijanpish micujca jatun llaqui tucushcatajmi canga” nishcamantami israelcunaca imallatapish pi mana micurcacuna.

1 SAMUEL 14:28

Chaimi israelcunapuramanta shujca: –Cambaj yayami tucui israelcunataca cunan punllaca manataj micushunchu nishpa ari nichirca. Maijanpish micujca llaqui tucungatajmi nircami. Chaimantami tucuicuna ña huañunalla– nircami.

1 SAMUEL 15:13

Samuelca, Saulpajmanmi shamurca. Chaimi Saulca: –Cantaca Mandaj Dios alli nichun. Mandaj Dios mandashcataca ñami pajtachimuni– nirca.

1 SAMUEL 23:21

Chaimi Saulca: –Cancuna ñucata llaquishcamantaca, Mandaj Dios cancunataca alli nishca cachun.

1 SAMUEL 26:19

Jatun mandaj ñuca amito, cunanca cambajta ruraj ñuca rimashcata uyachunmi rogani. Mandaj Diosllataj can jatun mandajta ñucata llaquichichun chashna rurachicujpica, ñuca cushca ofrendata chasquishpa ñucata perdonachun. Runacunalla chashna rurachicushca cashpaca, paicunaca Mandaj Diospaj ñaupajpica, mana alli nishcacuna cachun. Chashna rurashpaca paicunaca Mandaj Diospajta ñuca japina cashcamantami caruyachishpa, shujtajcunapaj dioscunapajta rurai nicuj shina ruracuncuna.