JUECES 17:12 - Dios Rimashca Shimicunami

¹² Micaiaca levita runataca, cura cachunmi churarca. Chaimi chai mosoca curapaj ruranata rurashpa Micaiapaj huasipi causarca.

JUECES 17:12 Iomraidhean Croise

1 REYES 12:31

Jeroboamca lomacunapipish huasicunata rurachishpami, manapish levitapura runacunata curacuna cachun churarca.

NÚMEROS 16:5

Coré runatapish, Coré runahuan tucushpa jatarijcunatapish cashnami nirca: –Mandaj Diosca maijanlla paipaj cashcata, maijanlla jucha illaj cashcataca cayami paipajman c'uchuyachishpa ricuchinga. Mandaj Dios agllashcacunallami paipajmanca c'uchuyangacuna.

NÚMEROS 18:1

Mandaj Diosca Aarontaca cashnami nirca: “Diospajlla huasipi pilla imata rurana cashcacunalla mana rurashpaca canpish, cambaj churicunapish, tucui levitacunapishmi juchayuj tucunguichij. Curacuna rurana cashca shinataj mana rurashpapish canhuan, cambaj churicunahuanmi juchayuj tucunguichij.

JUECES 17:11

Chashna nishcaca levitapajca allimi carca. Paica Micaiahuanmi causarca. Paica paipaj quiquin churi shinami causarca.

JUECES 17:13

Micaiaca: “Levitapuramanta shuj curatamari ñucaca charini. Mandaj Diosca tucui imapipish ñucataca allimi llujshichinga” yuyacurcami.

JUECES 18:30

Chai pueblopimi Danpaj ailluca paicunapaj dios cachunpish caspita labrashpa imamanpish rijchaj rurashcalla diosta shayachirca. Paicunapaj cura cachunpish Jonatantami churarca. Jonatanca Gersonpaj churi Moisespaj nietomi carca. Israelcunata shujtaj llajtaman prezu apai punllacamami Jonatanpaj huahua huahuacunallataj Dan aillupaj curacuna tucushpa causarcacuna.

JUECES 18:4

Chaimi levitaca: Micaiahuan paihuan ima shina ari ninacushcata, Micaiapaj cura cachun churashcatapish parlarca.