JUECES 17:10 - Dios Rimashca Shimicunami

¹⁰ Chaimi Micaiaca: –Ñuca huasipi causai. Canca ñuca yayami tucungui. Curapishmi tucungui. Ñucaca huatantami chunga siclo cullquitapish, churanatapish, micunatapish cusha– nijpimi chai levita runaca, chaipi saquirirca.

JUECES 17:10 Iomraidhean Croise

GÉNESIS 45:8

Shina cajpica, mana cancunachu caimanca cacharcanguichij. Ashtahuanpish Taita Diosmari cacharca. Paimari ñucataca faraonpaj yaya shinata, paipaj huasitapish mandajta, tucui Egipto llajtatapish mandajta churangapaj pushamurca.

2 REYES 13:14

Eliseo ungushca ña huañunalla cajpimi, israelcunata jatun mandaj Joás paipajman uriyashpa paipaj ñaupajpica: –¡Ñuca yayalla, ñuca yayalla, canca israelcunapajca macanacuna carrocunata charishca shina, caballocunapi tiyarij soldadocunata charishca shinami carcangui!– nishpa huacarca.

2 REYES 2:12

Chaita ricushpami Eliseoca: “¡Ñuca yayalla, ñuca yayalla! ¡Canca israelcunapaj macanacuna carro shina, paicunapaj caballocunapi tiyarij soldadocuna shinamari carcangui!” nishpa caparirca. Chai q'uipaca, Eliastaca cutinca ña mana ricurcachu. Eliseoca, pai churarishca churanataca lliquishpa, ishquitami rurarca.

2 REYES 6:21

Israel llajtata jatun mandajca siriocunata ricushpami Eliseotaca: –Ñuca yayito ¿paicunataca huañuchishachu?– nirca.

JOB 29:16

Imata mana charijcunamanca, yaya shinami cararcani. Imata mana allichipaj shina cajpipish, alli ricushpami yachaj chayaj carcani.

ISAÍAS 22:21

Paimanmi cambaj churanacunataca churachisha. Cambaj talabartetaca paimanmi chumbillichisha. Can mandanatapish paipaj maquipimi churasha. Jerusalenpi causajcunapajpish, Judapi causajcunapajpish paimi yaya canga.

EZEQUIEL 13:19

Cancunaca lutsaj cebadamanta, mirga tandamantami ñuca agllashcacunapurapica, manapish huañuchina runacunataraj huañuchishpa, huañuchina runacunamanraj causaita curcanguichij. Chashnami llullashcata uyaj paicunamanca llullarcanguichij. Chashna rurashpami, ñucataca yangata rurarcanguichij.

Mateo 26:15

“Jesusta huañuchichun ñuca entregajpica ¿imatataj cusha ninguichij?” nijpi paicunaca, quimsa chunga cullquitami cushun nishpa curcacuna.

Juan 12:6

Judasca huajchacunata llaquishcamantaca, mana chashna nircachu. Ashtahuanpish shuhua cashcamanta, pai apacun cullqui muchilapi caishujcuna churashcata shuhuaj cashcamantami chashnaca nirca.

1 Timoteo 6:10

Tucui millaita ruranata callarichijca, cullqui munaimi. Chaita munashcamantami maijancunaca crishcata saquishpa, achca llaquicunata apacuncuna.

1 Pedro 5:2

Dios cancunaman mingashca canlla ovejacunataca alli michichij, ama cuidachun nishcallamanta cuidaichijchu. Ashtahuanpish Dios munashca shina cuidanata munashcamanta cuidaichij. Cullquita japinga raicullaca ama ruraichijchu. Ashtahuanpish ama q'uillashpalla ruraichij.

JUECES 17:11

Chashna nishcaca levitapajca allimi carca. Paica Micaiahuanmi causarca. Paica paipaj quiquin churi shinami causarca.

JUECES 17:9

Chaipimi Micaiaca: –¿Maimantataj shamungui?– nijpi, chai levita runaca: –Ñucaca Judá llajtapi caj Belenmantami cani, maipimi causanata japini chaipi causangapajmi mashcashpa puricuni– nirca.

JUECES 18:4

Chaimi levitaca: Micaiahuan paihuan ima shina ari ninacushcata, Micaiapaj cura cachun churashcatapish parlarca.

1 SAMUEL 2:36

Cambaj huasi ucupurapi saquirijca, shuj cullquillatapish amulli tandallatapish cungapishchari nishpami ñuca churashca curapaj ñaupajpi cungurishpaca: Curacuna ruranapi ñucatapish churahuai chaipi amulli tandallatapish micungapaj nishpa rogaringa” nircami.