JUECES 16:9 - Dios Rimashca Shimicunami

⁹ Ña huatashpaca, Dalila huarmica caishuj ucupi tauca runacunata pacashpa churashcamantami paitaca: –Sansón, filisteocunaca canta japinaman shamunmari– nishpa caparijpi Sansonca, paita huatashca angucunataca supasta nina rupachij shinalla p'itirca. Chashna p'itijpimi, imamanta paica yallitaj fuerzasapa cashcataca filisteocunaca mana yachai tucurcacuna.

JUECES 16:9 Iomraidhean Croise

SALMOS 58:9

Casha lunyacuj mangata manaraj cunujyachishpa chingarij shina chingarichun. C'ari c'ari tucushcacunataca causajraj cajpi jatun acapanahuan chingachishca cachun.

JUECES 15:14

Lehiman chayajpica, filisteocunaca caparirinacushpami paita tupanaman llujshircacuna. Mandaj Diospaj Espíritu Sansonpaj jahuaman shamujpimi, maquicunapi huatashca huascacunaca linota ninahuan rupachishca shinalla tucurca. Chaimantami paipaj maquicunata huatashca huascacunaca pambaman urmarca.

JUECES 16:10

Cutinllatajmi Dalila huarmica Sansontaca: –Canca ñucataca umashcanguimari, llullashpallamari ñucamanca chashna nishcangui. Ima shina canta huatana cashcataca cunantajca ama pacashpa huillachunmi rogani– nirca.

JUECES 16:7

Shina nijpimi Sansonca: –Ñucaca manaraj chaquishca canchis angucunahuan huatajpica, shujtaj runacuna shinallataj fuerza illaj tucushpa mana p'iti tucushachu– nirca.

JUECES 16:8

Dalila huarmi chaita huillajpimi filisteocunata mandajcunaca, manaraj chaquishca canchis angucunata Dalilaman cugrircacuna. Chai angucunahuanmi Sansontaca huatarca.