JUECES 16:7 - Dios Rimashca Shimicunami

⁷ Shina nijpimi Sansonca: –Ñucaca manaraj chaquishca canchis angucunahuan huatajpica, shujtaj runacuna shinallataj fuerza illaj tucushpa mana p'iti tucushachu– nirca.

JUECES 16:7 Iomraidhean Croise

PROVERBIOS 12:19

Imatapish cashcata rimaj runaca causacungallami. Ashtahuanpish llulla runaca asha punllacunapajllami.

PROVERBIOS 17:7

Sumaj shimicunata rimanaca, mana rumi shungu runapajmi. Llulla shimicunata rimanacarin mana mandajpajchu.

Romanos 3:8

“Allicuna shamuchunca, millaita rurashunchij” nicun nishpami, maijancunaca ñucanchijtaca yanga juchachicuncuna. ¿Ima nishpataj mana paicuna nishca shina ninchij? Ñucanchijta chashna yachachicushcatataj shina nijcunataca cashcatataj rurashpami llaquichishca canga.

Gálatas 6:7

Ama umarichijchu. Diostaca pi mana chanzata rurai tucunchu. Maijan imata tarpujca, chaillatatajmi tandanga.

Colosenses 3:9

Caishuj, chaishuj ama llullanacuichijchu. Cancunapaj mauca causaitaca, rurashcacunandij anchuchishpa,

JUECES 16:10

Cutinllatajmi Dalila huarmica Sansontaca: –Canca ñucataca umashcanguimari, llullashpallamari ñucamanca chashna nishcangui. Ima shina canta huatana cashcataca cunantajca ama pacashpa huillachunmi rogani– nirca.

JUECES 16:6

Chaimi Dalila huarmica, Sansontaca: –Canca ¿imamantataj yallitaj fuerzasapa canguiyari? ¿Ima shina huatajpitaj canca mana cachariripaj canguiyari? Chaita huillahuai– nirca.

JUECES 16:8

Dalila huarmi chaita huillajpimi filisteocunata mandajcunaca, manaraj chaquishca canchis angucunata Dalilaman cugrircacuna. Chai angucunahuanmi Sansontaca huatarca.

JUECES 16:9

Ña huatashpaca, Dalila huarmica caishuj ucupi tauca runacunata pacashpa churashcamantami paitaca: –Sansón, filisteocunaca canta japinaman shamunmari– nishpa caparijpi Sansonca, paita huatashca angucunataca supasta nina rupachij shinalla p'itirca. Chashna p'itijpimi, imamanta paica yallitaj fuerzasapa cashcataca filisteocunaca mana yachai tucurcacuna.

1 SAMUEL 19:17

Chaimi Saulca Micaltaca: –¿Ima nishpataj ñucataca chashna umanguiyari? ¿Ima nishpataj ñucata p'iñajtapish miticushpa richun saquircanguiyari?– nijpimi Micalca Saulmanca: –Paimari ñucataca: Richun saqui, mana saquijpica huañuchishami nirca– nircami.

1 SAMUEL 27:10

Aquisca Davidtaca: “Cunanca ¿maijan pueblomantataj quichushpa apamunguichij?” nijpi Davidca: “Huaquinpica Judapi caj Neguevmantami quichumunchij” nijmi carca. “Huaquinpica Jerameelpi caj Neguevmantami quichumunchij” nijmi carca. “Huaquinpica ceneopi caj Neguevmantami quichumunchij” nijmi carca.