JUECES 16:6 - Dios Rimashca Shimicunami

⁶ Chaimi Dalila huarmica, Sansontaca: –Canca ¿imamantataj yallitaj fuerzasapa canguiyari? ¿Ima shina huatajpitaj canca mana cachariripaj canguiyari? Chaita huillahuai– nirca.

JUECES 16:6 Iomraidhean Croise

NEHEMÍAS 6:4

Chashnallataj nishpa cayachunca paicunaca chuscu cutinmi ñucapajman cacharca. Ñucapish ñaupaman nishca shinallatajmi cutichircani.

SALMOS 12:2

Tucuicunami caishujmanta chaishujmanta llullashpa parlanacun. Shimihuanca mishquijlla uyananquitami riman. Shungupica manapish pajtachina yuyaihuanmi.

PROVERBIOS 22:14

Huainayaj millai huarmi rimashca shimicunaca, urmana jatun jutcu shinami. Mandaj Dios p'iñashcacunami chai huarmihuan juchapi urmancuna.

PROVERBIOS 26:28

Llulla shimica chugrichishcallatatajmi llaquichin. Mishqui shimi tucushpa rimashcaca, paillatatajmi urmachin.

PROVERBIOS 6:26

Huainayashcallahuan causaj huarmicunahuan churarij c'arica huajchayanllami, amulli tanda shinallami saquirin. Cusayuj huarmicarin alli causacuj runata huañuiman chayachinllami.

PROVERBIOS 7:21

Chashna mishquijlla shimicunahuan inquitacushpallami, chai mosotaca mana uyacujta ari nichishpataj alli carca.

MIQUEAS 7:2

Cai pachata llaquijmari illarca. Cai pachapi causaj runacunamantaca allita rurajca, shujllapish manamari tiyanchu. Tucuicunami huañuchijcuna tucushca. Paicunapurallataj urmachinacungapajmi linchitapish rurancuna.

MIQUEAS 7:5

Canhuan alli apanacuj runa imata nijpipish, ama cringuillachu. Jatun mandajpipish ama shunguta churanguichu. Cambaj huarmimanpish imatapish ama parlanguillachu.

JUECES 14:17

Chaipipish chai huarmica imata nisha nishcata huillahuailla nishpami cutin cutin jatun micui canchis punllacunataca huacacurcalla. Sansonca paipaj huarmi huacashpa tapucujllapimi, ña canchis punlla tucujpica pai nishcaca imata nisha nishcata paiman huillarca. Chai huarmica paipaj llajtapura caj mosocunamanmi huillagrirca.

JUECES 16:5

Chaimantami filisteocunata mandajcunaca, Dalila huarmipajman rishpaca: –Sansontaca imamanta yallitaj fuerzasapa cashcatapish, paitaca imata rurashpa mishai tucunatapish sumajta inquitashpa tapui. Chaita yachaj chayashpami paitaca alli huatashpa charishun. Chashna tapushpa ñucanchijman huillajpica, canmanca tucui ñucanchijmi cada shuj 1.100 siclo cullquita cushun– nircacuna.

JUECES 16:7

Shina nijpimi Sansonca: –Ñucaca manaraj chaquishca canchis angucunahuan huatajpica, shujtaj runacuna shinallataj fuerza illaj tucushpa mana p'iti tucushachu– nirca.