JUECES 16:2 - Dios Rimashca Shimicunami

² Gazapi causajcunaca Sansonmi caiman shamushca nishcata yachashpami, chai tutaca chai huasi muyundijtapish pueblo pungupipish chaparcacuna. Paicunaca: “Achijyajpi caya tutamanta huañuchishunllami” nishpami upajlla chaipi carcacuna.

JUECES 16:2 Iomraidhean Croise

Mateo 21:38

Chai churi chayajpi paita ricushpaca, chagrajcunaca: “Caimari paipaj churi cai tucuitaca paimari japinga. Pai japinataca ñucanchij japingapaj shamuichij huañuchishunchij” nircacunami.

Mateo 27:1

Ña pacarijpimi, curacunata mandajcunapish, israelcunapaj cunaj yuyajcunapish tucuicuna Jesusta huañuchingapaj, shuj yuyailla tucurcacuna.

Lucas 21:20

Achca soldadocuna Jerusalén muyundijta shayacujta ricushpaca, chai llajtata chingachina chayamushcata yachanguichij.

Hechos 23:15

Chaimanta cunan cancunaca mandajcunapuralla tandanacushcahuan tucushpa, huaranga soldadocunata mandajpajman rishpa cashna nigrichij: “Pablota ashtahuan alli tapungapaj caya ñucanchij ñaupajman pushamui” nij tucuichij. Ñucanchijca pai manaraj chayamujpimi, chapashpa huañuchishun– nircacunami.

Hechos 9:24

Paicuna chashna mana allita yuyacushcatami Sauloca yachaj chayarca. Chaimi punllapish, tutapish chai pueblomanta llujshina pungucunapi paita huañuchingapaj chapacurcacuna.

JUECES 15:18

Sansonca yallitaj yacunaihuan cashpami, Mandaj Diostaca: “Canca cambajta ruraj runata mishachishpamari jatun quishpirinata cushcangui. Chashna cashca jahua yacunaihuan huañucushpa circuncisionta mana rurashcacunapaj maquipi japitucuchun ama saquihuaichu” nishpami mañarca.

JUECES 16:3

Sansonca chaupi tutacama dormishpa jatarishcahuan chai huasimanta llujshishpami, chai pueblo pungutaca aparij ishqui caspicunandij, pungupi quinriman churashca fierrondij llujshichishpa rigra jahuashpa, Hebrón pueblo ch'imbapurapi caj urcupi shitagrirca.

1 SAMUEL 19:11

Chai q'uipami Saulca, huillashpa purijcunata Davidpaj huasiman rishpa tutaca cuidashpa pacarishpa cayandij tutamantaca Davidta huañuchichun cacharca. Chaimi paipaj huarmi Micalca: –Cunan tuta cambaj causaita mana quishpichishpaca, caya tutamantaca huañushcami cangui– nishpa Davidman huillarca.

1 SAMUEL 23:26

Saulca chai urcu shuj ladotami rirca. Davidpish paipaj runacunandijmi chai urcu caishuj ladota rirca. Davidca Saulta miticungapajmi callpashpa rirca. Saulca paipaj runacunandijmi, Davidtapish, paihuan caj runacunatapish prezu japingapaj muyunchishca carca.