JUECES 16:13 - Dios Rimashca Shimicunami

¹³ Dalila huarmica Sansontaca: –Cunanpish cutinllatajmari umashpa, llullashpa catinguiraj. Ima shina canta huatana cashcata cunantajca huillahuai– nijpimi Sansonca: –Ñuca ajchataca ahuana puchcahuan canchis ch'imbacunata rurashpa ahuana chucupi alli huatai– nirca.

JUECES 16:13 Iomraidhean Croise

JUECES 14:17

Chaipipish chai huarmica imata nisha nishcata huillahuailla nishpami cutin cutin jatun micui canchis punllacunataca huacacurcalla. Sansonca paipaj huarmi huacashpa tapucujllapimi, ña canchis punlla tucujpica pai nishcaca imata nisha nishcata paiman huillarca. Chai huarmica paipaj llajtapura caj mosocunamanmi huillagrirca.

JUECES 16:10

Cutinllatajmi Dalila huarmica Sansontaca: –Canca ñucataca umashcanguimari, llullashpallamari ñucamanca chashna nishcangui. Ima shina canta huatana cashcataca cunantajca ama pacashpa huillachunmi rogani– nirca.

JUECES 16:12

Chaimi Dalila huarmica, mushuj huascacunahuan Sansonta huatashpaca: –Sansón, filisteocunaca canta japinaman shamunmari– nishpa caparijpi Sansonca, paita huatashca huascacunataca ñañu puchcata shinalla p'itirca. Dalila huarmica ñaupaman shinallatajmi tauca runacunata shujtaj ucupi pacashpa charicurca.

JUECES 16:14

Shina nijpica Dalila huarmica ahuana chucupi alli huatashpami: –¡Sansón, filisteocunaca canta japinaman shamunmari!– nishpa caparijpi dormicunmanta Sansón rijcharishpaca, ahuana chucundij, ahuacushcandij p'itishpa shitarca.