JUECES 16:11 - Dios Rimashca Shimicunami

¹¹ Shina nijpimi Sansonca: –Imata manaraj rurashca mushuj huascacunahuan sinchita huatajpica, shujtaj runacuna shinallataj fuerza illaj tucushallami– nirca.

JUECES 16:11 Iomraidhean Croise

PROVERBIOS 13:3

Maijanpish shimi cacharishca canata huaquichirijca, quiquin causaitami huaquichin. Ashtahuanpish shimi cacharishca runaca, jatun llaquitami japinga.

PROVERBIOS 13:5

Cashcata rurajcunaca llullaj canataca, manataj munancunachu. Ashtahuanpish Diosta mana manchaj runaca, paillatajmi p'iñai tucushpa pingai tucun.

PROVERBIOS 29:25

Runata manchanaca tsagnarishpa urmana linchimi. Ashtahuanpish Mandaj Diosca, paipi shunguta churajtaca huaquichingami.

Efesios 4:25

Chaimanta llullanata saquishpa, tucuicuna caishujta chaishujta ama llullanacushpa parlanacuichijchu. Tucuicunami chai cuerpopajlla miembrocuna canchij.

JUECES 15:13

Chaimi paicunaca: –Mana huañuchishunchu. Canta japishpa filisteocunapaj maquipi churangapajllami shamunchij– nishpami ishqui mushuj huascacunahuan huatashpa, chai peñamantaca llujshichishpa pusharcacuna.

JUECES 16:10

Cutinllatajmi Dalila huarmica Sansontaca: –Canca ñucataca umashcanguimari, llullashpallamari ñucamanca chashna nishcangui. Ima shina canta huatana cashcataca cunantajca ama pacashpa huillachunmi rogani– nirca.

JUECES 16:12

Chaimi Dalila huarmica, mushuj huascacunahuan Sansonta huatashpaca: –Sansón, filisteocunaca canta japinaman shamunmari– nishpa caparijpi Sansonca, paita huatashca huascacunataca ñañu puchcata shinalla p'itirca. Dalila huarmica ñaupaman shinallatajmi tauca runacunata shujtaj ucupi pacashpa charicurca.