JUECES 15:12 - Dios Rimashca Shimicunami

¹² Shina nijpi paicunaca: –Ñucanchijca canta japishpa, filisteocunapaj maquipi churangapajmi shamunchij– nijpi Sansonca: –Cancunallataj ñucata huañuchishun nicunguichijman, ama llullashpalla huillaichij– nirca.

JUECES 15:12 Iomraidhean Croise

1 REYES 2:25

Shina nishpami jatun mandaj Salomonca Joiadapaj churi Benaiataca, Adoniasta huañuchichun cachajpi paica Adoniasta japishcahuan llaquichishpa huañuchirca.

1 REYES 2:34

Shina nijpimi Joiadapaj churi Benaiaca huichi rishcahuan Joabta japishcahuan llaquichishpa huañuchirca. Paitaca shitashca pambapi caj paipaj huasipimi pambarcacuna.

Mateo 27:2

Jesustaca huatashcatami, mandaj Poncio Pilatopajman pusharcacuna.

Hechos 7:25

“Ñuca aillu Israelcunata llaquichicuj runacunapaj maquimanta llujshichichunca Taita Diosca ñucata churashcata yuyangapishchari” nishpami paica chashna rurarca. Ashtahuanpish paicunaca, mana chashna yuyarcacunachu.

JUECES 15:11

Chaimi Judá aillupaj, 3.000 runacuna Etam jatun peña quinripi tiyaj jutcuman Sansonpajman rishpaca: –Filisteocuna ñucanchijta mishashpa, paicuna mandacushcataca ¿manachu yachangui? ¿Ima nishpataj chashna ruranguiyari?– nijpi Sansonca: –Ñucata llaquichijpimi, ñucapish paicunataca chai shinallataj rurarcani– nirca.

JUECES 15:13

Chaimi paicunaca: –Mana huañuchishunchu. Canta japishpa filisteocunapaj maquipi churangapajllami shamunchij– nishpami ishqui mushuj huascacunahuan huatashpa, chai peñamantaca llujshichishpa pusharcacuna.

JUECES 8:21

Chaimi Zebapish, Zalmunapish Gedeontaca: –Canllataj jatarishpa ñucanchijtaca huañuchiyari. Imatapish rurajpimi c'ari c'ari cashcataca ricun– nijpimi Gedeonca, jatarishcahuan Zebatapish, Zalmunatapish huañuchishpa paicunapaj camellocunapaj cungacunapi huarcushca lunatajlla sumajcunatapish japirca.