JUECES 14:5 - Dios Rimashca Shimicunami

⁵ Sansonca, paipaj yaya mamandij Timnatman uriyashpami chai pueblo c'uchullapi caj uva chagraman chayarca. Chaipi cajpimi, shuj malta leonca huacarishpa paipajman c'uchuyarca.

JUECES 14:5 Iomraidhean Croise

2 SAMUEL 23:20

Chai q'uipaca, Joiadapaj churi Benaiami carca. Joiadaca Cabseel pueblopi causaj imatapish mana manchashpa c'ari c'ari rurajmi carca. Benaiaca moabcunapaj ishqui leoncunatami huañuchirca. Paica rasucui punlla shuj jutcuman yaicushpami, shuj leonta huañuchirca.

1 CRÓNICAS 11:22

Chai q'uipaca Joiadapaj churi Benaiami carca. Joidaca Cabseel pueblopi causaj imatapish mana manchashpa c'ari c'ari rurajmi carca. Benaiaca moabcunapaj ishqui leoncunatami huañuchirca. Rasucui punlla shuj jutcuman yaicushpapish shuj leontami huañuchirca.

SALMOS 91:13

Leonpaj jahuapipish, víbora culebrapaj jahuapipish canmi sarungui. Malta leontapish, dragontapish canmi huañuchingui.

JEREMÍAS 2:15

Malta leoncunamari huacarishpa shamurcacuna. Paicunata llaquichingapaj huacarishpa shamushpamari, chushaj llajtata saquincuna. Tucui pueblocunatamari rupachishpa, shujllapish chaipi causachun mana saquincuna.

Hebreos 11:33

Paicunaca macanacushpa mishanata crishpami llajtacunata quichushpa cashcata rurashpa mandarcacuna. Dios cusha nishcacunatapish japircacunami, leoncunapaj shimicunatapish huichcarcami.

JOSUÉ 15:10

Chai q'uipaca, chai lindeca Baalamantaca inti huashicun ladoman caj Seir urcuta muyushpami, jahua ladoman caj Quesalón nishca Jearim urcuta pasashpa, Bet-semes puebloman uri rishpa, Timna pueblota pasan.

1 Pedro 5:8

Cancunata p'iñaj diabloca, león huacaricuj shinami, maijanta millpungapaj muyundijta mashcashpa puricun. Chaimanta yachajcuna caichij, chaparacuichij.

JUECES 14:4

Sansonpaj yaya mamaca, Mandaj Diospaj munaillataj chashna cajpi chashna tucucushcataca mana yacharcacunachu. Chai huatacunapica filisteocunami israelcunataca llaquichishpa charicurca. Chaimanta filisteocunahuan macanacuchingapajmi chashna rurarca.

JUECES 14:6

Sansonca Mandaj Diospaj Espíritu paipaj jahuaman shamujpimi, chai leontaca shuj chivitota huañuchij shinalla mirga mirgata rurashpa huañuchirca. Paipaj maquipica imata mana charircachu. Pai chashna rurashcataca yaya mamamanca mana huillarcachu.

1 SAMUEL 17:35

catishpa rishpaca, chai animalpaj shimimanta quichujllami cani. Tigrarishpa ñucata canisha nijpica, quejadospi japishpa chugrichishpa huañuchijllami carcani.