JUECES 14:4 - Dios Rimashca Shimicunami

⁴ Sansonpaj yaya mamaca, Mandaj Diospaj munaillataj chashna cajpi chashna tucucushcataca mana yacharcacunachu. Chai huatacunapica filisteocunami israelcunataca llaquichishpa charicurca. Chaimanta filisteocunahuan macanacuchingapajmi chashna rurarca.

JUECES 14:4 Iomraidhean Croise

1 REYES 12:15

Mandaj Diosca, Nabatpaj churi Jeroboamman Silo pueblopi causaj Ahías runahuan huillachishcata pajtachina cajpimi, Roboamca israelcuna mañashcataca mana uyarca.

1 REYES 12:24

Mandaj Diosca cashnami nin: Cancunapaj quiquin huauqui israelcunapajmanca ama richijchu, paicunahuanca ama macanacugrichijpishchu. Cancunapaj huasicunaman tigraichijlla. Ñucallatajmi ch'icanyashpa ishqui llajta tucuchun nircani nigri” nircami. Paicunaca Mandaj Dios nishcata uyashpami, Mandaj Dios nishca shinallataj paicunapaj huasiman tigrarcacuna.

2 REYES 6:33

Cunaj yuyajcunahuan Eliseo rimacujpirajmi huillaj runa paipajman chayamushpaca: –Cai llaquitaca, Mandaj Diosllatajmi cachashca. Chaimanta Mandaj Diostaca imapajtaj ashtahuan shuyanari– nirca.

2 CRÓNICAS 10:15

Mandaj Diosca, Nabatpaj churi Jeroboamman Silo pueblopi causaj Ahías runahuan huillachishcata pajtachina cajpimi, Roboamca israelcuna mañashcataca mana uyarca.

2 CRÓNICAS 22:7

Taita Diosca Ocoziastaca, Joramta ricugri punllami huañuchina cashca carca. Mandaj Diosca Nimsipaj churi Jehutami, Acabpaj tucui familiata huañuchichun agllashca carca. Ocoziasca, Jorampajman chayashcahuanmi Jehuhuan tupangapaj Joramllahuantaj llujshirca.

2 CRÓNICAS 25:20

Chashna nijpipish, Amasiasca mana cazurcachu. Judá llajtapi causajcunaca, Edom llajtapi causacujpaj dioscunatami mañarcacuna. Chaimanta Taita Diosllataj paicunata p'iñaj Joaspaj maquipi churasha nishcamantami, chashna mana uyarca.

SALMOS 115:3

Ashtahuanpish ñucanchij Taita Diosca jahua pachapimari. Pai tucui imalla rurasha nishcatami rurashca.

DANIEL 6:4

Chaimi chai ishqui mandajcunapish, satrapacunapish Danielta ima shinapish juchachingapaj pai ima shina mandajta chaparacurcacuna. Ashtahuanpish paicunaca ima juchachinata, ima mana allita mana japircacunachu. Danielca tucui imatapish cashcata ruraj cajpimi, paipica ima mana allitapish, ima juchachinatapish mana japircacuna.

DEUTERONOMIO 28:48

Ashtahuanpish cancunata p'iñajcunata, Mandaj Dios cancunapajman cachajpimi cancunaca yaricaihuan, yacunaihuan, churana illajlla, tucui imapish illajlla paicunapajta ruranguichij. Mandaj Diosca, cancunapaj cungapi shuj fierro yugota churashpami chingachingacama cancunataca llaquichinga.

JOSUÉ 11:20

Mandaj Dios Moisesta mandashca shinallataj chai llajtapi causajcunataca mana llaquishpa sapimanta aisashpa shitaj shina israelcuna tucuita chingachichunmi, Mandaj Diosllataj chai llajtapi causajcunataca rumi shunguta rurajpi, israelcunahuan macanacunata c'ariyarcacuna.

JUECES 13:1

Israelcunaca Mandaj Diospaj ñaupajpica cuntinllatajmi millaita rurarcacuna. Paicunataca Mandaj Diosca chuscu chunga huatacama llaquichichunmi filisteocunapaj maquipi churarca.

JUECES 14:5

Sansonca, paipaj yaya mamandij Timnatman uriyashpami chai pueblo c'uchullapi caj uva chagraman chayarca. Chaipi cajpimi, shuj malta leonca huacarishpa paipajman c'uchuyarca.

JUECES 15:11

Chaimi Judá aillupaj, 3.000 runacuna Etam jatun peña quinripi tiyaj jutcuman Sansonpajman rishpaca: –Filisteocuna ñucanchijta mishashpa, paicuna mandacushcataca ¿manachu yachangui? ¿Ima nishpataj chashna ruranguiyari?– nijpi Sansonca: –Ñucata llaquichijpimi, ñucapish paicunataca chai shinallataj rurarcani– nirca.

JUECES 15:3

Chaimi Sansonca: –Cunanca filisteocunata ima llaquita rurashpapish, ima juchachina illajllami casha– nirca.