JUECES 14:2 - Dios Rimashca Shimicunami

² Chaimanta tigrashpami, paipaj yaya mamamanca: –Timnatpica filisteocunapura shuj huarmitamari ricumuni. Chai huarmihuan ñucata cazarachihuaichij– nirca.

JUECES 14:2 Iomraidhean Croise

GÉNESIS 21:21

Paica Parán shuti shitashca pambapimi causarca. Ismaeltaca paipaj mamami, egipcia huarmihuan cazarachirca.

GÉNESIS 34:4

Chaimi Siquemca paipaj yaya Hamortaca: –Cai soltera ñuca huarmi cachun, paipaj yayata mañagripai– nirca.

GÉNESIS 38:6

Judaca paipaj punta churi Erpaj huarmi cachunca, Tamar huarmitami japirca.

2 REYES 14:9

Ashtahuanpish israelcunata jatun mandaj Joasca Judá llajtata jatun mandaj Amasiasmanca: “Líbano urcupi tiyaj uchilla casha yurami, Líbano urcullapitaj tiyaj cedro yurataca: Cambaj ushushita ñuca churipaj huarmi cachun cui nichun cacharca. Shina nijpica chai Líbano urcupi causaj sacha animalcuna shamushpami chai casha yurataca sarushpa pasarcacuna.

JEREMÍAS 29:6

Shinallataj casarashpa churicunata, ushushicunata charichijlla. Paicunapish huahuacunayuj tucuchun casarachichijlla. Tucurinapaj randica, chai llajtapi ashtahuan mirarichijlla.

JUECES 14:1

Sansonca, Timnat puebloman uriyashpami, chai pueblopica filisteocunapura shuj huarmita ricurca.

JUECES 14:3

Chaimi Sansonpaj yaya mamaca: –Circuncisionta mana rurashca filisteocunapuramanta huarmihuan cazaranapaj randica ¿manachu ñucanchijpurapipish tucui ñucanchij cai pueblopipish huarmica tiyan?– nijpipish Sansonca paipaj yayataca: –Paihuan cazarachihuaichijlla. Chai huarmimari ñuca munashca– nircami.