JUECES 14:16 - Dios Rimashca Shimicunami

¹⁶ Chashna nijpi chai huarmica Sansonpaj ñaupajpi huacashpami: –Ñucataca manamari c'uyashcanguichu. Umanaricushpalla yachaj chayana cashcata ñuca llajtapura cajcunaman huillashpapish, ima nisha nishcataca ñucamanca manamari huillanguichu– nijpimi Sansonca: –Ñuca yaya mamamanpish mana huillashcataca, canmancarin maitataj huillashari– nirca.

JUECES 14:16 Iomraidhean Croise

GÉNESIS 2:24

Chashna cashcamanta c'arica, paipaj yayata mamata saquishpa paipaj huarmihuan tandanacushpa ishquindijmanta shuj aichallami tucunga.

JUECES 14:17

Chaipipish chai huarmica imata nisha nishcata huillahuailla nishpami cutin cutin jatun micui canchis punllacunataca huacacurcalla. Sansonca paipaj huarmi huacashpa tapucujllapimi, ña canchis punlla tucujpica pai nishcaca imata nisha nishcata paiman huillarca. Chai huarmica paipaj llajtapura caj mosocunamanmi huillagrirca.

JUECES 16:15

Chaimi Dalilaca: –Cambaj shungu manapish ñucapi cajpica ¿ima shinataj ñucataca c'uyanimi ninguiyari? Ñamari quimsa cutin ñucataca umashpa, can imamanta yallitaj fuerzasapa cashcataca manataj huillasha ningui– nirca.

JUECES 16:16

Punllanta chashna nishpa chai huarmi p'iñachicujllapimi, Sansonca paipaj tucui almahuan huañuna shinata p'iñarishpa,