JUECES 14:12 - Dios Rimashca Shimicunami

¹² Paicunatami Sansonca cashna nirca: –Ñucaca cancunataca yuyaricushpalla cutichinatami tapugrini. Cai jatun micui canchis punllacunacama cancuna mana yuyari tucuipaj cajpipish alli yuyarishpa callarishpa huillajpica, cancunamanca linomanta rurashca churanatami shuj shuj tucuicunaman cusha. Jatun micui punllacunapi churarina sumaj churanatapishmi shuj shuj cusha.

JUECES 14:12 Iomraidhean Croise

GÉNESIS 45:22

Paipaj huauquicunamanca tucuicunamanmi mushuj churanacunata curca. Benjaminmancarin, 300 cullquita, pichca mushuj churanacunatami curca.

1 REYES 10:1

Sabá llajtata jatun mandaj huarmica, Salomonca Mandaj Dios paiman yachaita cujpi yallitaj yachaisapa cashcata yachashpami, mana cutichi tucuipaj tapunacunata tapunaman shamurca.

2 REYES 5:22

Shina nijpi Giezi runaca: –Tucuimi alli. Ñuca amomari cashna nin: Profeta canata yachacuj huambraraj, ishqui runacunami Efraín urcumanta shamushpa cunanlla chayamuncuna. Paicunaman cungapaj shuj talento cullquita, ishqui mushuj churanata cushpa saquihuai nichunmi cachan– nircami.

2 REYES 5:5

Shina nijpi Siria llajtata jatun mandajca: –Shinashpaca, chaiman rilla. Ñucatajmi Israel llajtata jatun mandajpaj shuj quillcata cachasha– nijpimi Naamanca chunga talento cullquita, 6.000 mirga curita, chunga mudai churanacunata,

2 CRÓNICAS 7:8

Salomonca yallitaj achca tandanacushca tucui israelcunahuanmi canchis punllata fiestata rurarca. Paicunaca Hamat puebloman yaicunmanta callarishpaca, Egiptopi caj jatun yacucama causajcunami tandanacurcacuna.

SALMOS 49:4

Yuyachij shimicunataca ñuca rinrinhuanmi uyasha. Mana yachaipaj yachaitaca arpapi tocashpami huillasha.

PROVERBIOS 1:6

Shinallataj yuyaita cuj shimicunata, yachaisapacuna rimashcatapish, yuyaita japina shimicunatapish, pi mana yachai tucuipajcunatapish yachangacunami.

PROVERBIOS 31:24

Sumaj linsocunata ahuashpami c'atun. C'atushpa randishpa purijmanmari sumaj chumbicunata c'atun.

EZEQUIEL 17:2

“Huañujlla aichayuj runa, shuj ricuchinata ricuchishpa, yuyachij parlota israelcunapaj allichi.

EZEQUIEL 20:49

Shina nijpimi ñucaca: “¡Mandaj Jatun Dioslla! paicunaca ñucataca: Cai runaca pipish mana yuyaita japipaj parlocunallatamari parlan nincunami” nircani.

Mateo 13:13

Chaimantami yuyachij parlocunallahuan yachachini: Paicunaca ricushpapish mana ricuncunachu, uyashpapish mana uyashca shina tucushpami mana entendincuna.

Mateo 13:34

Jesusca tucui caicunataca, yuyachij parlocunallahuanmi chaipi cajcunamanca parlarca. Yuyachij parlocuna illajllaca, mana parlarcachu.

Mateo 27:28

Chaipimi soldadocunaca Jesuspaj churanacunata tucui llujshichishpa, amsa puca capata p'achallichircacuna.

Mateo 6:19

Polilla c'urucuna micunalla, ismushpa tucurinalla, shuhuacunapish yaicushpa shuhuanalla charinacunapajllaca cai pachapica ama ruraichijchu.

Lucas 14:7

Bodaman cayashcacuna puntapi tiyaringapaj mashcacujta ricushpami, yuyachij shuj parlota cashna nishpa parlarca:

Juan 16:29

yachacujcunaca: –Cunantajca parlocunahuan ch'imbapurashpalla mana parlashpa allimari huillangui.

1 Corintios 13:12

Cunanca, amsalla espejopi shinallami chingajllata ricucunchij. Ashtahuanpish q'uipataca, ñahui ñahuimari ricushun. Cunanca ashallatami yachani. Dios ima shinami ñucata rijsin, shinallatajmi q'uipataca alli rijsisha.

Santiago 5:2

Cancunapaj charinacunaca ismushcami. Cancunapaj churanacunatapish polillacuna micushcami.

JUECES 14:11

Filisteocuna Sansonta ricushpaca, paihuan cachunca quimsa chunga runacunatami aparcacuna.

JUECES 14:13

Ashtahuanpish umanaricushpalla cutichinata cancuna ñucaman callarishpa mana huillashpaca, cancunamari linomanta rurashca quimsa chunga churanacunatapish, jatun micui punllapi churarina quimsa chunga sumaj churanacunatapish ñucaman cuna canguichij– nijpimi paicunaca: –Umanaricushpalla cutichinataca huillapailla. Tucuicunamari alli uyaracunchij– nircacuna.