JUECES 13:8 - Dios Rimashca Shimicunami

⁸ Chaimi Manoa runaca: “Aij, ñuca Jatun Dioslla, can cachashca runata ñucanchijpajman cutin cachahuai nishpami rogani. Pai shamushpa chai huahua huacharijpica ima shina huiñachinata ñucanchijman yachachichun” nishpami Mandaj Diosta mañarca.

JUECES 13:8 Iomraidhean Croise

JOB 34:32

Taita Dioslla, ñuca mana ricushcacunata yachachihuai. Ñaupaman mana allicunata rurashcataca, ña mana ashtahuan rurashachu ninami cangui.

Hechos 9:6

Chaimi Sauloca manchaihuan chujchushpa: –Amito ¿imatataj ñucataca rurachun munangui?– nijpi, Mandaj Jesusca: –Jatarishpa chai pueblollamantaj yaicuilla. Chaipimi can imata rurana cashcataca huillanga– nirca.

JUECES 13:11

Chaimi Manoaca, paipaj huarmindij chai runa maipi canman rishpaca: –¿Canchu ñuca huarmihuan parlaj runa cangui?– nijpi, chai runaca: –Ñucallatajmi cani– nirca.

JUECES 13:3

Mandaj Diospaj ángel chai huarmiman ricurishpami: “Canca mana huachajmi cangui. Chaimantami shuj huahuallatapish mana charingui. Cunanca chichushpa shuj c'ari huahuatami huachangui.

JUECES 13:6

Chaimi chai huarmica, paipaj cusapajman shamushpaca: “Diospaj shuj runami ñucapajman shamurca. Paica Diospaj angelman rijchaj, jatun mancharinami carca. Pai pi cashcatapish, maimanta cashcatapish mana tapurcanichu. Paipish paipaj shutitaca mana huillarcachu.

JUECES 13:7

Paica ñucataca: Riqui, canca chichushpa shuj c'ari huahuatami huachangui. Cunanmantapacha vinotapish, sidratapish ama ubyangui. Imapish mapami nishcataca ama micungui, paica huacharipachamanta huañungacama Diospaj nazareomi canga nircami” nishpami huillarca.

JUECES 13:9

Jatun Diosca Manoa mañashcata uyashpami, Manoapaj huarmi chagrapi cajpi, Diospaj angelca cutin paipajman shamurca. Ashtahuanpish paipaj cusa Manoaca mana chaipichu carca.