JUECES 13:5 - Dios Rimashca Shimicunami

⁵ Chichushpa shuj c'ari huahuatami huachangui. Paica huachari pachamanta Diospaj nazareomi canga. Chaimanta paipaj uma ajchataca mana p'itichishcami canga. Paimi israelcunataca filisteocunapaj maquimanta quishpichinga” nirca.

JUECES 13:5 Iomraidhean Croise

2 SAMUEL 8:1

Chai q'uipaca Davidca filisteocunata mishashpa, Meteg-ama llajtata cutinllataj quichujpimi, filisteocunaca Davidpaj ucupi tucurcacuna.

1 CRÓNICAS 18:1

Tucui chaicuna q'uipaca Davidca filisteocunata mishashpa, cumurichishpami Gat pueblotaca muyundij pueblocunandij quichujpi filisteocunaca Davidpaj ucupi tucurcacuna.

AMÓS 2:11

Shinallataj cancunapaj churicunapuramanta maijancunataca, ñuca ima nishcata huillajcuna cachunmi agllarcani. Maijan q'uipa huiñaicunataca, nazareocuna cachunmi agllarcani. Israelcuna, cancunapuramanta chashna agllashcataca mana chashnachu nishpaca, mana ni tucunguichijchu” nircami Mandaj Diosca.

NÚMEROS 6:5

Nazareo tucushpaca Mandaj Diospajta rurangapaj ch'icanyarishca punllacuna pajtangacama paipaj uma ajchata ama rutuchichun. Mandaj Diospajlla ch'icanyarishca cashcamanta uma ajcha huiñachun saquichunlla.

Lucas 1:15

Paica Dios alli nishcami canga. Vinotapish, sidratapish mana ubyangachu. Mamapaj huijsamanta pachami jucha illaj Espirituhuan junda canga.

JUECES 16:17

Dalila huarmimanca pai imamanta chashna cashcata paipaj shungullapi yachashcataca: –Ñuca ajchataca nunca mana p'itishcami cani. Ñucaca mamapaj huijsamantapachami Diospaj nazareo cani. Ñuca ajchata p'itijpica ñuca fuerzaca ñucamanta anchunmanllami, tucui caishuj runacuna shinallatajmi caiman– nirca.

1 SAMUEL 1:11

Ana huarmica: “Tucuita Mandaj Dios, cambajta ruraj ñuca llaquihuan cajta ricuhuayari. Cambajta ruraj ñucataca amataj cungarichu. Ashtahuanpish cambajta rurajmanca shuj c'ari huahuata cuhuai. Ñucaca paitaca paipaj tucui causaipi can Mandaj Diospaj cachunmi canman cusha. Paipaj ajchatapish manataj p'itichishcami canga” nishpami mañarca.

1 SAMUEL 7:13

Chaimi filisteocunaca israelcunata manchashpa paicunapaj llajtaman yaicungapajca cutinca ña mana tigrarcacuna. Samuel mandacui tucui punllacunapimi Mandaj Diosca filisteocunataca llaquichishpa charirca.