JUECES 13:3 - Dios Rimashca Shimicunami

³ Mandaj Diospaj ángel chai huarmiman ricurishpami: “Canca mana huachajmi cangui. Chaimantami shuj huahuallatapish mana charingui. Cunanca chichushpa shuj c'ari huahuatami huachangui.

JUECES 13:3 Iomraidhean Croise

GÉNESIS 17:16

Paitaca ñucami ashtahuan alli cashca cachun nisha. Paimantami canmanpish shuj c'ari huahuata cusha. Paica achca llajtacunapaj mamami tucunga. Llajtacunata jatun mandajcunapish paimantami huacharinga– nircami.

GÉNESIS 18:10

Shina nijpimi paicunapuramanta shujca: –Shamuj huatapish canta ricunaman tigramushami. Chai punllacunapajca cambaj huarmi Saraca, ñami shuj c'ari huahuayuj canga. Chashnatajmi canga– nirca. Chashna parlanacucujtaca Saraca, Abrahampaj carpa huasi huashanijpi caj paipaj carpa huasi pungumantami uyacurca.

GÉNESIS 18:14

Taita Diospajca imapish mana sinchichu. Ña nishca shinallataj shamuj huatami cambajman tigramusha. Chaipajca Saraca ñami shuj c'ari huahuayuj canga– nirca.

2 REYES 4:16

Eliseoca: –Shamuj huata cunan shina punllacunapica shuj c'ari huahuata marcashcami cangui– nijpi chai huarmica: –Taita Diospaj runa, ñuca amito, cambajta ruraj ñucataca ama chanzata rurahuaichu– nirca.

Lucas 1:11

Inciensota rupachina altar alli ladomanca, Jatun Diospaj shuj angelmi shayacuj ricurirca.

Lucas 1:13

Angelca cashnami nirca: –Zacarías, ama manchaichu. Can mañashcataca Diosca uyashcami. Cambaj huarmi Elisabetca, shuj c'ari huahuatami huachanga. Paitaca Juan shutita shutichingui.

JUECES 13:10

Chaimi chai huarmica, paipaj cusa Manoapajman callpashpaca: –Riqui, sarun ñucapajman shamuj runamari cutin ricurin– nishpa huillarca.

JUECES 13:15

Chaimi Manoaca, Mandaj Diospaj angeltaca: –Ñucanchij shuj malta chivota huañuchishpa micunata allichingacama shuyapai– nirca.

JUECES 13:6

Chaimi chai huarmica, paipaj cusapajman shamushpaca: “Diospaj shuj runami ñucapajman shamurca. Paica Diospaj angelman rijchaj, jatun mancharinami carca. Pai pi cashcatapish, maimanta cashcatapish mana tapurcanichu. Paipish paipaj shutitaca mana huillarcachu.

JUECES 13:8

Chaimi Manoa runaca: “Aij, ñuca Jatun Dioslla, can cachashca runata ñucanchijpajman cutin cachahuai nishpami rogani. Pai shamushpa chai huahua huacharijpica ima shina huiñachinata ñucanchijman yachachichun” nishpami Mandaj Diosta mañarca.

JUECES 2:1

Mandaj Diospaj angelca, Gilgal pueblomanta Boquim puebloman huichi rishpami israelcunataca: “Ñucami cancunataca Egiptomanta llujshichishpa, cancunapaj ñaupa yayacunaman ñuca cushami nishca llajtaman pushamurcani. Chai punllallatajmi paicunamanca: Ñuca cancunahuan ari ninacushcataca, manataj p'aquishachu.

JUECES 6:14

Chaimi Mandaj Diosca Gedeonpaj ñahuita ricurashpaca: –Fuerzasapa runamari cangui. Madianitacunapaj maquimanta israelcunata llujshichigri. Chaipajmi cantaca cachagrini– nirca.

1 SAMUEL 1:20

Chaimi Anaca chichushpa huachana punlla pajtajpica, shuj c'ari huahuata huacharca. “Mandaj Diosta mañajpi, paimi cai huahuataca cun” nishpami Samuelta shutichirca.