Biblia Todo Logo
Bìoball air-loidhne

- Sanasan -




JUECES 13:23 - Dios Rimashca Shimicunami

23 Chaimi paipaj huarmica: –Mandaj Diosca ñucanchijta huañuchisha nishca cashpaca, chivota cushpa tucui rupachishcatapish, granota cushcatapish manamari chasquinmanchu carca. Cai tucui sumajtapish mana ricuchinmanchu carca. Ñucanchij imallata tapushcatapish mana huillanmanchu carca– nirca.

Faic an caibideil Dèan lethbhreac




JUECES 13:23
12 Iomraidhean Croise  

Cambaj shungupi munashca shina cushca cachun. Can rurasha nishcacunataca tucuita pajtachichichun.


Mandaj Diosca paita manchajcunahuanmi yallitaj apanacun. Paihuan ari ninacushcata pajtachinataca paicunamanmi yachachinga.


Cai pachapi causajcunapaj chaupipi Mandaj Diospaj c'uyaita ricunata mana crishca cashpaca, musparishpa chahuata huañuimanmi carcani.


Ñucapaj allita ruraj cashcata ricuchingapajca ñucata, mancharinacunata rurachipaiyari. Ñucata p'iñajcuna ricushpa pingai tucuchun chashna ricuchiyari. Quiquin Mandaj Diosmari ñucataca ayudarcangui cushichircangui.


Mandaj Diosca millaita rurajtaca, manataj ricunachinchu. Ashtahuanpish cashcata rurajcunahuanca, tandallami causan.


Chai punllami ñucaca, ñuca Yayahuan, cancunapish ñucahuan, ñucapish cancunahuan shujlla cashcataca yachaj chayanguichij.


Shina nijpi Jesusca, cashnami nirca: –Ñucata c'uyajca, ñuca huillashca Shimitaca cazungami. Ñuca Yayaca paita c'uyangami. Paipajman shamushpa paihuan causashunmi.


Cancunataca ña mana ñucapajta rurajcunami canguichij nishachu. Amopajta rurajca, paipaj amo imallata ruracujtaca mana yachanchu. Cancunamanca ñuca Yaya imallata ruracujtaca tucuitami yachachircani. Chaimanta cancunaca ñucahuan alli apanacujcunami canguichij.


Chaimanta ñahuica maquitaca: “Cantaca mana minishtinichu” mana ni tucunchu. Umapish chaquicunataca: “Cancunataca mana minishtinichu” mana ni tucunchu.


Manoapaj huarmica shuj c'ari huahuatami huacharca. Chai huahuataca Sansontami shutichirca. Chai huahuaca huiñarcami. Mandaj Diosca alli cashca cachun nircami.


Lean sinn:

Sanasan


Sanasan