JUECES 13:18 - Dios Rimashca Shimicunami

¹⁸ Mandaj Diospaj angelca: –Ñuca shutitaca ¿imapajtaj tapungui? Ñuca shutica mancharinamari– nircami.

JUECES 13:18 Iomraidhean Croise

GÉNESIS 32:29

Jacobca paitapish: –Cunantajca cambaj shutita huillayari– nijpimi paica: –Ñuca shutitaca ¿imapajtaj yachasha ningui?– nirca. Shina nishpami chai runaca Jacobtaca chaillapitaj alli cashca cachun nirca.

GÉNESIS 32:30

Chaimi Jacobca chai pambataca: “Taita Diosta ñahui ñahui ricushpapish, manarajmari huañunichu” nishpa Penielta shutichirca.

NEHEMÍAS 9:5

Chai q'uipami Jesúa, Cadmiel, Bani, Hasabnías, Serebías, Hodías, Sebanías, Petaías levitacunaca cashna nircacuna: “Jatarichij, cancunata Mandaj Taita Diosta cashna alli nichij. Huiñaimanta huiñaicama caj Dios quiquinpaj sumaj shutitaca alli nishca cachun. Quiquintaca alabacunallamari” nircacunami.

ÉXODO 23:21

Paipaj ñaupajpica cazuj, alli cangui. Pai ima nishcata uyangui. Paitaca ama c'ariyangui. Can c'ariyashcataca paica mana perdonangachu. Ñuca shutica paipimi.

ISAÍAS 9:5

Jatun macanacuiman soldadocuna churashpa t'alaj t'alaj nishpa purina zapatocunataca rupachishcami canga. Yahuarpi c'ahuirishca caj churanacunapish rupachishcami canga. Chaquishca q'uihua rupaj shinami rupanga.

ISAÍAS 9:6

Ñucanchijmanca churitamari cushca, chai huahuamari huacharishca. Paipaj maquipimari mandanataca churashca. Paica cashna shuticunami canga: “Mancharinata cunaj, tucuita rurai tucuj Dios, huiñaita causaj Yaya, sumaj causaita Mandaj” nishcami canga.

JUECES 13:6

Chaimi chai huarmica, paipaj cusapajman shamushpaca: “Diospaj shuj runami ñucapajman shamurca. Paica Diospaj angelman rijchaj, jatun mancharinami carca. Pai pi cashcatapish, maimanta cashcatapish mana tapurcanichu. Paipish paipaj shutitaca mana huillarcachu.