JUECES 12:6 - Dios Rimashca Shimicunami

⁶ “Shinashpaca Shibolet ni” nircacuna. Chai shimita mana rimai tucushpa “Sibolet” nijpica, japishcahuan chai yacu c'uchullapitajmi cungata p'itishpa huañuchircacuna. Chai punllaca Efraín aillupura cajcunataca, 42.000 runacunatami huañuchircacuna.

JUECES 12:6 Iomraidhean Croise

SALMOS 69:15

Callpacuj yacucuna aparichun ama saquichu. Ucujta caj jutcu millpuchun ama saquichu. Jutcu paipaj shimita huichcashpa millpuchun ama saquichu.

SALMOS 69:2

Ucujta caj guzupi huashicushcamari cani. Maipi mana shayari tucuipajpimari cani. Yacucuna ucujmanmari cani. Callpacuj yacumari sirijta aisacun.

PROVERBIOS 17:14

P'iñanacuita callarichijca, jatun yacuta cacharij shinami. P'iñanacui manaraj callarijpi anchuringui.

PROVERBIOS 18:19

Huauqui llaquichishcamanta shungu chugririshca runaca, pueblo muyundij jatun pircatapish yalli sinchi shungumi tucun. P'iñanacushca huauquindijpaj shunguca, fierro aldabahuan huichcashca pungu shinami.

ECLESIASTÉS 10:12

Yachaj runapaj shimicunaca, tucuicunapaj uyanajllami. Ashtahuanpish rumi shungu runataca, paipaj shimillataj llaquipi churanllami.

ISAÍAS 27:12

Chai punllapica Mandaj Diosca Éufrates jatun yacumanta callarishpaca, Egipto jatun yacucamami trillashpa llaquichinga. Israelcuna cancunataca shuj shujllami tandachinga.

Mateo 12:25

Jesusca paicuna ima shina yuyacujta yachashpami cashna nirca: “Maijan llajtapipish mandajcunapurallataj p'iñanacushpa chaupirijpica, paicuna mandacushcaca chingarinmanllami. Maijan pueblopi causajcunapish, huasi ucupi causajcunapurapish quiquinpurallataj p'iñanacujpica chingarinmanllami.

Mateo 26:73

Chai asha q'uipaca, chaipi cajcuna Pedropajman c'uchuyamushpaca: –Canpish paicunapurallatajmi cangui. Paicuna shinallatajmi rimangui– nircacunami.

Marcos 14:70

Pedroca cutinllataj, mana rijsinichu nirca. Chai asha q'uipaca chaipi cajcunaca cutinmi Pedrotaca: –Canpish paicunapurallatajmi cangui. Galileamantatajmi cangui. Chaitajmari paicuna shinallataj rimangui– nircacuna.

Gálatas 5:15

Ashtahuanpish caishuj chaishuj caninacushpa micunacushpaca, ricungui cancunallatajmi caishuj chaishuj chingaringuichij.

JUECES 12:5

Galaadpi causajcunaca Jordán yacuta ch'imbanapimi, Efraín aillupura cajcuna miticushpa saquirishcacunata chapacurcacuna. Chai saquirishcapuramanta maijan shamushpa yacuta ch'imbachun saquihuaichij nijpica: “¿Efrainpaj aillupurachu cangui?” nishpami tapurcacuna. “Mana chaipurachu cani” nijpica:

JUECES 12:7

Jefteca israelcunataca sujta huatatami mandarca. Pai huañujpica Galaadpi caj shuj pueblopimi pambarcacuna.