JUECES 12:5 - Dios Rimashca Shimicunami

⁵ Galaadpi causajcunaca Jordán yacuta ch'imbanapimi, Efraín aillupura cajcuna miticushpa saquirishcacunata chapacurcacuna. Chai saquirishcapuramanta maijan shamushpa yacuta ch'imbachun saquihuaichij nijpica: “¿Efrainpaj aillupurachu cangui?” nishpami tapurcacuna. “Mana chaipurachu cani” nijpica:

JUECES 12:5 Iomraidhean Croise

1 REYES 11:26

Efraín llajtapi caj Sereda pueblomanta caj Nabatpaj churi Jeroboampish, Salomonta llaquichingapajmi jatarirca. Jeroboamca Salomonpajta rurajmi carca. Paipaj mamaca Zerúa shuti viuda huarmimi carca.

JOSUÉ 2:7

Jatun mandaj cachashca soldadocunaca, Jordanman rina ñanta jatun yacuta maitami ch'imbanallacamami chai runacunata catishpa rircacuna. Paicuna chaimanta rijpimi, chai pueblomanta llujshina pungutaca huichcarcacuna.

JOSUÉ 22:11

Rubenpaj, Gadpaj aillu, Manasespaj chaupi aillupish Canaán llajta linde c'uchullapi caj Jordán yacu uripi shuj altarta rurashcatami israelcunaca yachaj chayarcacuna.

JUECES 12:4

Jefteca, Galaadpi causajcunata tandachishpami, Efrainpaj ailluhuan macanacurca. Galaadpi causajcunami Efrainpaj aillutaca misharcacuna. Efrainpaj ailluca Galaadpi causajcunataca: “Efraín aillupaj, Manasés aillupaj chaupipi causacuj galaaditacunaca Efrainpaj aillumanta chaupirimushcacunallami canguichij” nishcamantami chashna macanacushcacuna.

JUECES 12:6

“Shinashpaca Shibolet ni” nircacuna. Chai shimita mana rimai tucushpa “Sibolet” nijpica, japishcahuan chai yacu c'uchullapitajmi cungata p'itishpa huañuchircacuna. Chai punllaca Efraín aillupura cajcunataca, 42.000 runacunatami huañuchircacuna.

JUECES 17:7

Judá llajtapi caj Belenpica, shuj mosomi tiyarca. Paica levitapurami carca. Shujtaj llajtamanta shinallami causarca.

JUECES 3:28

Chaipimi Aodca: “Cancunata p'iñaj moabitacunataca Mandaj Diosca cancunapaj maquipimari churashca. Ñucata catishpa jacuchijlla” nirca. Paicunaca Aodta catishpa rishpami, Jordán yacuta ch'imbanallapi junda shayarishpa, moabitacunataca shujllatapish ch'imbachun mana saquircacuna.

JUECES 7:24

Gedeonca Efraín aillupaj tucui urcucunapipish huillachunmi huillajcunata cacharca: “Cancunaca madianitacunata tupangapaj uri richij. Jordanpaj, Bet-barapaj jatun yacucunata maillata ch'imbanallacunaman rishpa paicuna manaraj chayajpi chaipi ña shayacugrichij” nichunmi cacharca. Chaimi Efrainpaj ailluca tucuicuna tandanacushpa Jordanpaj, Bet-barapaj jatun yacucunata maillata ch'imbanallacunaman rishpa shayarinaman rircacuna.

1 SAMUEL 1:1

Efraín urcupi caj Ramataim pueblopimi, zofitacunapuramanta Elcana shuti shuj runa causarca. Paica Jerohampaj churimi carca. Jerohamca Eliupaj churimi carca. Eliuca Tohupaj churimi carca. Tohuca Zufpaj churimi carca. Zufca Efrainpaj aillupurami carca.