JUECES 12:4 - Dios Rimashca Shimicunami

⁴ Jefteca, Galaadpi causajcunata tandachishpami, Efrainpaj ailluhuan macanacurca. Galaadpi causajcunami Efrainpaj aillutaca misharcacuna. Efrainpaj ailluca Galaadpi causajcunataca: “Efraín aillupaj, Manasés aillupaj chaupipi causacuj galaaditacunaca Efrainpaj aillumanta chaupirimushcacunallami canguichij” nishcamantami chashna macanacushcacuna.

JUECES 12:4 Iomraidhean Croise

1 REYES 17:1

Galaadpi causajcunapuramanta tisbita Eliasca jatun mandaj Acabtaca: “Israelcunata Mandaj Taita Diosca causajmi. Ñucaca paipajtami rurani. Ñuca cutin tamyachun ningacama cai huatacunapica manataj tamyangachu, shullallapish manataj tiyangachu” nircami.

NEHEMÍAS 4:4

“Ñucanchij Taita Dioslla, uyahuayari. Ñucanchijca paicuna p'iñashpa yanganchishcacunamari canchij. Paicuna p'iñashpa c'amishcaca paicunapaj jahuallamantaj tigrachun. Paicunataca paicunata p'iñajcunapaj maquipi churahuayari.

SALMOS 78:9

Efraincunaca, puntajlla caspicunata arcohuan shitanata alli yachajcunami carca. Ashtahuanpish macanacui punllaca huashaman tigrajllacunami carca.

PROVERBIOS 12:13

Diosta mana manchaj runaca, cacharishca shimi cashcamantami llaqui tucun. Ashtahuanpish cashcata ruraj runaca, llaquimantaca llujshingallami.

PROVERBIOS 15:1

Sumajta cutichishca shimica, p'iñarishcatapish anchuchinmi. Ashtahuanpish maipish cachun rimashca shimica ashtahuan p'iñachinllami.

JUECES 11:10

Galaad llajtata cunaj yuyajcunaca Jeftaca: –Can nishca shina ñucanchij mana rurajpica, Mandaj Diosllataj ricuchun– nircacunami.

JUECES 12:3

Cancuna ayudanaman mana shamujta ricushpami, huañushpapish huañushatajchari nishpa amonitacunahuanca macanacurcani. Mandaj Dios paicunata ñuca maquipi churajpimi misharcani. Cunanca ¿ima nishpataj ñucahuan macanacunaman huichiyamurcanguichij?– nircami.

JUECES 12:5

Galaadpi causajcunaca Jordán yacuta ch'imbanapimi, Efraín aillupura cajcuna miticushpa saquirishcacunata chapacurcacuna. Chai saquirishcapuramanta maijan shamushpa yacuta ch'imbachun saquihuaichij nijpica: “¿Efrainpaj aillupurachu cangui?” nishpami tapurcacuna. “Mana chaipurachu cani” nijpica:

1 SAMUEL 25:10

Nabalca David cachashca mosocunataca: –¿Pitaj Davidca? ¿Pitaj Isaipaj churica? Cunan punllacunaca achcacunami amopajta rurajcunaca paicunapaj amocunata miticushpa puricuncuna.