JUECES 12:1 - Dios Rimashca Shimicunami

¹ Efrainpaj ailluca tucuicuna tandanacushpami, janaj ladoman pasashpa Jeftetaca: –Amonitacunahuan macanacugricushpaca ñucanchijpish canhuan ringapaj ¿ima nishpataj mana cayarcangui? Chaimantami cunanca cantaca cambaj huasi ucullapitaj huasindij rupachigrinchij– nircacuna.

JUECES 12:1 Iomraidhean Croise

SALMOS 109:4

Ñuca paicunata c'uyashcamantaca, p'iñashpamari cutichincuna. Ashtahuanpish paicunamantaca quiquintamari mañaj carcani.

ECLESIASTÉS 4:4

Shinallataj achcata trabajashpa, tucui imatapish alli rurajpica, shujtajcuna shungupi munana yuyaita japishpa p'iñaj cashcatapishmi ricurcani. Chashna tucuipi alli canapish, yuyaita yanga shaicuchinallami.

OSEAS 13:1

Efraín rimajpica, jatun manchaimi tiyarca. Paica Israelpica alli nishcami carca. Ashtahuanpish Baalta adorashpa juchallishpami huañurca.

Marcos 3:24

Maijan llajtapi mandajcunapurallataj p'iñanacushpa chaupirijpica, paicuna mandacushcaca chingarinmanllami.

Juan 10:32

Chashna shitashun nijpimi Jesusca: –Ñuca Yaya mandajpi cancunapaj ñaupajpica cai tucui allicunatami rurarcani ¿maijan chaicunamantataj rumihuan shitashun ninguichij?– nirca.

Santiago 3:16

Huañurinacuna shujtajcuna shina cana tiyanpica, pandarinacuna, mana alli ruraicunallami chaipica tiyan.

JUECES 11:40

Israelpi causaj solteracunaca Galaadpi causaj Jeftepaj ushushi huañushcata yuyarishpami huatanta chuscu punllata huacanaman rijcuna cashca.

JUECES 12:2

Chaimi Jefteca: –Ñucapish, ñuca llajtapi causajcunapish amonitacunahuan jatunta p'iñanacushpaca cancunatapish cayaj cacharcanimi. Ashtahuanpish cancunamari paicunahuan macanacucujpica mana ayudaj shamurcanguichij.

JUECES 14:15

Ña canchis punlla tucujpimi, Sansonpaj huarmitaca: –Cambaj cusa ñucanchijman nishcaca imata nisha nishcata huillachun tapuiyari. Mana chashnajpica cantapish, cambaj yayatapish tucui huasi familiandijmi rupachishun. Cancunaca ñucanchijpaj cashcacunata quichunga raicullamari cayashca yuyachinguichij– nircacuna.

JUECES 15:6

Filisteocunaca: –¿Pishi chaitaca rurarca?– nishpa tapui callarijpimi, –Timnat pueblopi causaj runamari, Sansonpaj huarmi caj paipaj ushushitaca, Sansonhuan apanacuj runahuan cazarachirca. Chaimanta Sansón p'iñarishpamari chashna rurashca– nishpa huillajpimi, filisteocunaca chai huasiman rishpa chai runataca paipaj ushushindij rupachircacuna.

JUECES 8:1

Efrainpaj ailluca Gedeontaca: –Madianitacunahuan macanacunaman ricushpa ñucanchijta mana cayashpaca, ñucanchijtaca ¿imatataj rurashcanguichu imamí?– nishpami sinchita rimarcacuna.