JUECES 11:8 - Dios Rimashca Shimicunami

⁸ Galaad llajtata cunaj yuyajcunaca Jeftetaca: –Ari, llaquipi cashpatajmari cantaca pushaj shamunchij. Ñucanchijhuan tucushpa amonitacunahuan macanacungapajpish, Galaadpi causaj tucui ñucanchijta mandaj tucungapajpish jacupaillari– nircacuna.

JUECES 11:8 Iomraidhean Croise

1 REYES 13:6

Chashna tucujpimi jatun mandajca, Taita Diospaj runataca: –Ñuca maqui alli tucuchun canta Mandaj Taita Diosta ñucamanta rogashpa mañai– nijpi Diospaj runa, Mandaj Diosta mañajpica, jatun mandajpaj maquica ñaupa shinallataj alli saquirircallami.

ÉXODO 10:17

Shina cajpipish, ñuca mana allita rurashcataca cunanllahuan perdonahuaichij. Ashtahuanpish cai huañuchij llaquica ñucallamantapish anchurichun cancunata Mandaj Diosta mañahuaichij– nirca.

ÉXODO 8:28

Chaimi faraonca: –Cancunata Mandaj Diosman shitashca pambapi animalcunata cushpa rupachinaman richun ñucaca saquinimi. Ashtahuanca ama yalli caruta ringuichijchu. Ñucamantapish mañapanguichij– nirca.

ÉXODO 8:8

Chaimi faraonca Moisesta, Aaronta cayashpaca: –Ñucamantapish, ñuca mandacun gentecunamantapish, sapocunata anchuchichun Mandaj Diosta mañaichij. Chaipimi israelcunataca Mandaj Diosman sacrificiocunata cunaman richun saquisha– nirca.

ÉXODO 9:28

Taita Dios c'ulun nichicushcapish, runduchicushcapish pararichun Mandaj Diosta mañai. Cancuna richun saquishallami. Ña mana ashtahuan caipi charicushallachu– nirca.

JUECES 10:18

Chaipimi Galaadtapi causaj israelcunapish pushajcunapish: “Amonitacunahuan cai macanacuitaca ¿maijanshi pushanga? Maijanpish chai macanacuita pushajca chaimi Galaad llajtapi tucui causajcunata pushaj canga” nishpami caishuj chaishuj ninacurcacuna.

JUECES 11:9

Chaimi Jefteca Galaad llajtata cunaj yuyajcunataca: –Amonitacunahuan macanacuchun ñucata tigrachishpa pushajpi, Mandaj Dios amonitacunata ñuca maquipi churashpa ñucata mishachijpica ¿ñucaca cancunata mandaj tucushatajchu?– nirca.