JUECES 11:34 - Dios Rimashca Shimicunami

³⁴ Macanacuita mishashpa, Mizpa pueblopi caj paipaj huasiman Jefté tigramujpica, paipaj ushushimi panderocunapi tocaihuan tushushpa tupanaman llujshirca. Jefteca shuj ushushillatami charirca. Churitapish ushushitapish shujtajtaca mana charircachu.

JUECES 11:34 Iomraidhean Croise

2 SAMUEL 6:14

Davidca mandaj Diospaj ñaupajpimi tucui fuerzahuan tushushpa rirca. Paica linomanta rurashca efod churanata churashcami carca.

SALMOS 150:4

Panderohuan tushushpa alabaichigari. Cuerdayuj tocanacunahuan, flautacunahuan alabaichigari.

SALMOS 68:25

Cantajcunaca ñaupashpami rincuna. Tocajcunaca huashatami catincuna. Chaupipica solteracunami panderocunahuan rincuna.

ÉXODO 15:20

Chaipimi Aaronpaj pani profeta Mariaca, shuj panderota japishpa tocajpi, shujtaj huarmicunapish panderocunapi tocashpa tushuihuan paita catishca llujshircacuna.

JEREMÍAS 31:13

Chaipitajca solteracunaca cushicushpa tushungami. Mosocunapish, yuyajcunapish chashnallatajmi cushicunga. Paicuna huacacushcataca asinamanmi tigrachisha. Jatun nanaihuan causacushcamanta samachishpa cushichishami.

JEREMÍAS 31:4

Israelcunalla, cancunaca ñuca cutin llajtata rurashpa shayachijpimi, llajta tucunguichij. Cancunapajca sumajta allichirishpa, panderocunapi huajtashpa cushicuihuan tushuna punlla cutin tiyangamari.

ZACARÍAS 12:10

Chaimantaca Davidpaj huahua huahuacunamanpish, Jerusalenpi causajcunamanpish tucui shunguhuan mañana yuyaitami cusha. Ñucataca, paicuna pasajta tujsichijcunallatajmi ricungacuna. Chaimantaca manchanayajta llaquirishpa, shujlla churi huañushcamanta huacacuj shinami huacangacuna. Paicunaca punta churimanta manchanayajta llaquirij shinami llaquiringacuna.

Lucas 7:12

Puebloman yaicuna punguman chayagricujpica, viuda mamapaj shujlla churi huañushcatami pambanaman apacurcacuna. Pueblomanta achcacunami paihuanca ricurcacuna.

Lucas 8:42

Paica ancha ungushca huañunalla, chunga ishqui huatayuj shujlla ushushitami charirca. Jesús chaiman ricujpica, achcacunami llapirinacui caticurcacuna.

Lucas 9:38

Chai tucuicunapuramanta shuj runami, cashna caparirca: –Yachachij, ñuca huahuata ayudapai, cai huahuallatamari charini.

JOSUÉ 18:26

Mizpa, Cafira, Mozah,

JUECES 10:17

Amonitacunaca tucuicuna tandanacushpami, Galaadpi carpa huasicunata shayachishpa tiyarircacuna. Israelcunapish tandanacushpami, Mizpa pueblopi carpa huasicunata shayachishpa tiyarircacuna.

JUECES 11:11

Jefteca Galaad llajtata cunaj yuyajcunahuanmi rirca. Galaadpi causajcunaca paicunata pushaj, mandaj cachunmi agllarcacuna. Mizpa pueblopimi, Jefteca ñaupaman imalla nishcacunataca Mandaj Diospaj ñaupajpi cutin chashnallataj nirca.

JUECES 20:1

Ña alli yuyarinacushpaca tucui israelcunami, Mandaj Diospaj ñaupajpi tandanacurcacuna. Tucuicuna shuj yuyaillami Mizpapi tandanacurcacuna. Danpi causajcunamanta callarishpaca, Beersebapi causajcunacama Galaad llajtapi causajcunandijmi tandanacurcacuna.

JUECES 21:21

chaparacugrichij. Silo pueblopi causajcunapaj ushushicuna mirga mirga tandanacushpa tushunaman llujshijta ricushpaca, uva chagrapi miticushpa tiyacushcamanta llujshishcahuan tucuicuna chai solteracunataca shuj shuj aisashcahuan, Benjamín llajtaman tigranguichij.