JUECES 11:26 - Dios Rimashca Shimicunami

²⁶ Israelcunaca Hesbón pueblopipish chai muyundij llajtacunapipish, Aroer pueblopipish chai muyundij llajtacunapipish, Arnón jatun yacu uripi caj tucui pueblocunapipish ñamari, 300 huatacunata causancuna. Chai llajtacuna cancunapaj cajpica, chai tucui huatacunapica ¿ima nishpataj mana tigrachichircanguichigari?

JUECES 11:26 Iomraidhean Croise

JEREMÍAS 48:19

Aroer pueblopi causajcunalla, ñanpi shayarishpa ricuichigari. Quishpirishpa miticunaman ricujcunataca: ¿Imataj tucurcanguichij? nishpa tapuichigari.

Hechos 13:19

Chai q'uipaca Canaanpi caj canchis llajtacunapi causajcunata chingachishpami, chai allpataca ñucanchij ñaupa yayacunaman curca.

DEUTERONOMIO 2:24

Chaipimi Mandaj Diosca: Jatari, Arnón yacu huaicuta ch'imbashpa ri. Ñucami Hesbonta jatun mandaj Sehón amorreotaca paipaj llajtandij cambaj maquipi ña churarcani. Paipaj llajtaman yaicushpa paihuan macanacushpa quichui callarichijlla.

DEUTERONOMIO 2:36

Arnón yacu huaicu c'uchupi caj Aroer pueblopi, pugru pambapi tiyaj pueblopi causajcunamanta callarishpa, Galaadpi causajcunacamaca ñucanchij maquimantaca shuj pueblollapish mana saquirircacunachu. Mandaj Dios, ñucanchij Taita Diosmi tucui chai pueblocunataca ñucanchijpaj cachun ñucanchij maquipi churarca.

DEUTERONOMIO 3:2

Ashtahuanpish Mandaj Diosca ñucataca: Paitaca ama manchaichu, ñucami jatun mandajtaca paipaj tucui gentecunandij, paipaj llajtandij cambaj maquipi ña churarcani. Paicunataca Hesbonpi causaj amorreocunata jatun mandaj Sehonta ima shina rurashca shinallataj ruraichij nircami.

DEUTERONOMIO 3:6

Hesbonta jatun mandaj Sehonta ima shinami tucuchircanchij, chai shinallatajmi paicunatapish cada pueblopi c'aricunata huarmicunata, huahuacunata tucuchircanchij.

JOSUÉ 11:18

Chai llajtacunata jatun mandajcunahuanca, Josueca uni huatacunatami macanacurca.

JOSUÉ 12:2

Amorreocunata jatun mandaj Sehonca, Hesbón pueblopimi causarca. Paica Arnón yacu uri pugru pambapi tiyaj Aroer pueblomanta callarishpaca, chaupi Galaad llajtatapish Amón llajtahuan tupanacuj Jaboc yacucamami mandacurca.

JOSUÉ 12:5

Og shuti mandajca, Hermón urcupi caj llajtatapish, Salca llajtatapish, tucui Basán llajtahuan, Gesur llajtahuan, Maaca llajtahuan tupanacuncama, chaupi Galaad llajtatapish, Hesbón pueblota jatun mandaj Sehón mandacun llajtahuan tupanacun llajtacamami mandaj carca.

JOSUÉ 13:10

Amorreocunata jatun mandaj Sehón mandacushca tucui pueblocunatapish amonitacunapaj llajtahuan tupanacuncamami chasquircacuna. Sehón shuti jatun mandajca, Hesbón pueblopimi mandashpa causarca.

JOSUÉ 13:16

Rubenpaj huahua huahuacunapaj allpacunaca caicunami: Arnón yacu uripi caj Aroermantaca pugru pamba chaupipi caj pueblocunandij, tucui Medeba pambacamami curca.

JOSUÉ 13:17

Hesbón pueblotapish, chai muyundij pambacunapi caj cai tucui pueblocunandijmi curca: Dibón, Bamot-baal, Bet-baal-meón,

JOSUÉ 23:1

Achca punllacuna q'uipami Mandaj Diosca israelcunataca paicunapaj muyundij llajtacunahuan ña mana macanacushpa sumajta causachun churarca. Josuepish achca huatacunata causashpa, ña yuyaj cashpami,

JUECES 10:8

Chaimi paicunaca israelcunataca chunga pusaj huatata yallitaj llaquichishpa causarcacuna. Jordán yacu ch'imbanijpi caj amorreocunapaj llajtapi caj Galaad llajtapi causaj israelcunatapishmi llaquichircacuna.

JUECES 3:11

Otoniel mandacui chuscu chunga huatacunataca israelcunaca sumajtami causarcacuna. Chai q'uipami Cenazpaj churi Otonielca huañurca.

JUECES 3:30

Chashnami moabitacunaca israelcunapaj maquipi ñapish urmarcacuna. Chaimantaca israelcunapaj llajtapica pusaj chunga huatacunatami sumaj causai tiyarca.

JUECES 5:31

Mandaj Dioslla, canta p'iñajcunaca tucuicuna chingarishca cachun. Canta c'uyajcunaca achijlla inti llujshicuj shina ashtahuan achijyachicuj cachun” nishpami cantarcacuna. Israelcunapajca, chuscu chunga huatacunatami sumaj causai tiyarca.

JUECES 8:28

Chaimanta pachami madianitacunaca israelcuna mandashca causashpa, cutinca mana umata alzai tucurcacuna. Gedeón causai punllacunapica, Israelpica chuscu chunga huatacunatami sumajta causarcacuna.

JUECES 9:22

Abimelec israelcunata quimsa huatata pai munashca shina ña mandacujpimi,