JUECES 11:16 - Dios Rimashca Shimicunami

¹⁶ Egiptomanta israelcuna huichiyamushpaca shitashca pambata shamushpami, Puca Cuchaman chayamurcacuna. Chaimantaca Cades pueblomanmi chayarcacuna.

JUECES 11:16 Iomraidhean Croise

GÉNESIS 14:7

Chaimanta tigracushpaca, En-mispat nishca Cades pueblomanmi chayarcacuna. Chai llajtapi causaj amalecitacunatapish tucuitami chingachircacuna. Hazezon-tamarpi causaj amorreocunatapish chashnallatajmi chingachircacuna.

NÚMEROS 13:26

Paicunaca Parán shuti shitashca pambapi caj Cades pueblomanmi tigrarcacuna. Chaipimi Moisespaj, Aaronpaj, tandanacushca israelcunapaj ñaupajpi chai llajta ima shina cashcata huillashpa, chai llajtapi p'ucushca granocunatapish ricuchirca.

NÚMEROS 14:25

Pugru pambacunapica amalecitacuna, cananeocunami causancuna. Chaimanta cayaca shitashca pambaman llujshishpa Puca Cuchaman rina ñanta japishpa tigrashpa richijlla– nircami.

NÚMEROS 20:1

Tandanacushca tucui israelcunaca huatapaj punta quillapimi Zin nishca shitashca pambaman chayashpa, Cades shuti pueblopi carpa huasicunata shayachishpa tiyarirca. Moisespaj pani Mariaca chaipimi huañurca. Paitaca chaillapitajmi pambarcacuna.

NÚMEROS 20:4

Mandaj Diospajlla israelcunataca ¿imapajtaj cai shitashca pambamanca pushamunguichij? Ñucanchijpish, ñucanchij animalcunapish caipi huañuchunllamari pushamushcanguichij.

DEUTERONOMIO 1:40

Ashtahuanpish cancunaca Puca Cuchaman rina ñanta shitashca pambaman tigrashpa richijlla nircami.

DEUTERONOMIO 1:46

Chaimantami cancunaca Cadespi, chai tucui huatacunata causana tucurcanguichij.

JOSUÉ 5:6

Egiptomanta llujshimuj macanacunata alli yachaj c'aricuna tucui huañungacamami israelcunaca shitashca pambapi chuscu chunga huatacunata purircacuna. Paicunallataj Mandaj Dios mandashcata mana cazujpimi, Mandaj Diosca: “Cancunapaj ñaupa yayacunaman lechepish, sacha chuspipaj mishquipish yacu shina tiyaj llajtata cusha nishcamanca cancunaca mana yaicunguichijchu. Chaica chashnatajmi canga” nishca carca.

JUECES 11:15

cashna nichun cacharca: “Jefteca cashnami nin: Israelcunaca moabitacunapaj allpatapish, amonitacunapaj allpatapish imata mana quichurcachu.