JUECES 11:12 - Dios Rimashca Shimicunami

¹² Jefteca amonitacunata jatun mandajmanca: Ñuca llajtapi causajcunata p'iñashpa macanacunaman shamungapajca, canca ñucahuanca ¿imatataj charingui? nichunmi huillajcunata cacharca.

JUECES 11:12 Iomraidhean Croise

NÚMEROS 20:14

Moisesca Cades pueblopi cashpami, Edom llajtata jatun mandajhuan paipaj randi parlanacuchun huillajcunata cashna nichun cacharca: “Cambaj huauqui Israelca cashnami nin: Ñucanchij imalla llaquicunata apacushcataca canllataj yachanguimi.

NÚMEROS 21:21

Israelcunaca amorreocunata jatun mandaj Sehonhuan rimachunmi paipaj randi huillajcunataca cashna nishpa cacharca:

Mateo 8:29

Paicunaca: –Taita Diospaj Churi Jesús, ¿ñucanchijtaca imatataj ruragringuiyari? ¿Manaraj punlla pajtajpichu, llaquichingapaj caimanca shamurcangui?– nishpami caparircacuna.

DEUTERONOMIO 2:26

Chaimi ñucaca Cademot shitashca pambamanta, Hesbonta jatun mandaj Sehonpajmanca, sumajta rimachun huillajcunata cashna nishpa cacharcani:

JUECES 11:11

Jefteca Galaad llajtata cunaj yuyajcunahuanmi rirca. Galaadpi causajcunaca paicunata pushaj, mandaj cachunmi agllarcacuna. Mizpa pueblopimi, Jefteca ñaupaman imalla nishcacunataca Mandaj Diospaj ñaupajpi cutin chashnallataj nirca.

JUECES 11:13

Jefté cachashcacunamanca amonitacunata jatun mandajca: “Egiptomanta huichiyamucushpami israelcunaca ñuca allpataca Arnón jatun yacumanta Jaboc yacucama, Jordán yacucamapish quichurcacuna. Cunanca chai allpataca alli shungu ñucaman tigrachi” nircami.

JUECES 12:2

Chaimi Jefteca: –Ñucapish, ñuca llajtapi causajcunapish amonitacunahuan jatunta p'iñanacushpaca cancunatapish cayaj cacharcanimi. Ashtahuanpish cancunamari paicunahuan macanacucujpica mana ayudaj shamurcanguichij.