JUECES 10:9 - Dios Rimashca Shimicunami

⁹ Amonitacunaca Judá ailluhuan, Benjamín ailluhuan, Efraín ailluhuan macanacungapajpishmi Jordán yacuta ch'imbarcacuna. Israelcunaca yallitaj llaquitami apacurcacuna.

JUECES 10:9 Iomraidhean Croise

2 CRÓNICAS 14:9

Paicunahuan macanacungapajmi, Etiopía llajtata mandaj Zera shuti jatun mandajca, 1.000.000 soldadocunahuan, 300 carrocunahuan, Maresa puebloman chayamurca.

2 CRÓNICAS 15:5

Chai huatacunapica pipish mana sumajta causai tucurcachu. Ashtahuanpish tucui cai llajtacunapi causajcunami huasipi cashpapish, ñanpi cashpapish manchaihuan purircacuna.

DEUTERONOMIO 28:65

Chai llajtacunapi causacushpaca mana samari tucunguichijchu, cancunapaj chaquillatapish mana samachi tucunguichijchu. Chaipica Mandaj Diosca cancunamanca manchacuj shungu canata, llaquijlla ñahui canata, llaquijlla alma canatami cunga.

JUECES 10:10

Chaimi israelcunaca Mandaj Diostaca: “Ñucanchijmi, can ñucanchij Diosta saquishpa, baal dioscunapajllata rurashpa can Diosta p'iñachishpa juchallishcanchij” nishpami caparishpa mañarcacuna.

JUECES 10:8

Chaimi paicunaca israelcunataca chunga pusaj huatata yallitaj llaquichishpa causarcacuna. Jordán yacu ch'imbanijpi caj amorreocunapaj llajtapi caj Galaad llajtapi causaj israelcunatapishmi llaquichircacuna.

JUECES 11:4

Chaimanta asha punllacuna q'uipami amonitacunaca israelcunahuan macanacurcacuna.

JUECES 2:15

Maipi macanacungapaj llujshishpapish Mandaj Dios paicunata nishca shinallataj paipaj maqui paicunata llaquichicujpimi, paicunata p'iñajcunataca manataj mishai tucurcacuna. Mandaj Diosca pai nishca shinallataj manataj mishachijpimi, israelcunaca jatun llaquita apacurcalla.

JUECES 6:2

Madianitacuna ashtahuan ashtahuan llaquichijpimi, israelcunaca paicunata manchashcamantaca urcucunapi jutcucunata rurashpa, machi ucucunapipish, pircacunapipish miticunata rurarcacuna.

1 SAMUEL 13:6

Israelcunaca mana mishaipaj cashcata yuyashpami, tucuicuna ña llaqui tucugrinchijmi nishpaca jutcucunapi, sanja huashacunapi, jatun rumi chaupicunapi, peñacunapi, yacu tandarichun rurashca jutcucunapipish miticurcacuna.

1 SAMUEL 28:15

Chaimi Samuelca Saultaca: –¿Ima nishpataj ñucataca cambajman cayashpa p'iñachingui?– nijpi Saulca: –Ñucaca jatun llaquihuanmi cani. Filisteocunamari ñucahuan macanacugrin. Taita Diospish ñucamanta anchurishcamari. Chaimantami Dios huillachishcata huillajcunata tapuchijpipish, muscuicunapipish, imata mana cutichijpi ñuca imata ruranata can huillachun cayachircani– nirca.